సరికొత్త రికార్డు క్రియేట్ చేసిన ‘ఆచార్య‌’ ట్రైలర్..

టాలీవుడ్ మెగాస్టార్ చిరంజీవి, మెగాప‌వ‌ర్‌స్టార్ రామ్‌చ‌ర‌ణ్ హీరోలుగా కొర‌టాల శివ ద‌ర్శ‌క‌త్వంలో రూపొందుతోన్న చిత్రం ‘ఆచార్య‌’. ఇందులో చిరు సరసన కాజల్ అగర్వాల్, చరణ్ సరసన పూజా హెగ్డే హీరోయిన్లుగా నటించారు. శ్రీమ‌తి సురేఖ కొణిదెల స‌మ‌ర్ప‌ణ‌లో కొణిదెల ప్రొడ‌క్ష‌న్ కంపెనీ, మ్యాట్నీ ఎంటర్‌టైన్‌మెంట్స్ ప‌తాకాల‌పై నిరంజ‌న్ రెడ్డి, అన్వేష్ రెడ్డి ఈ చిత్రాన్ని నిర్మించారు. ప్ర‌పంచవ్యాప్తంగా ఈ చిత్రం ఏప్రిల్ 29 గ్రాండ్‌గా విడుద‌ల కాబోతోంది.

ఈ నేపథ్యంలో ‘ఆచార్య‌’ ట్రైలర్‌ని మంగళవారం విడుదల చేశారు. ఈ ట్రైలర్ 24 గంటల్లో టాలీవుడ్‌లో సరికొత్త రికార్డ్‌ని క్రియేట్ చేసింది. గంటకో మిలియన్ అన్నట్లుగా 24 గంటల్లో 24 మిలియన్ల వ్యూస్ సాధించి.. టాలీవుడ్ చరిత్రలో మోస్ట్ వ్యూస్ సాధించిన ట్రైలర్‌గా రికార్డును క్రియేట్ చేసింది. లైకుల పరంగానూ ఈ చిత్రం 1 మిలియన్‌కి దగ్గరగా ఉంది. అలాగే యూట్యూబ్‌లో ఇప్పటికీ టాప్ 1 ప్లేస్‌లో ట్రెండ్ అవుతోంది.