పెట్రోల్ ధ‌ర‌లు.. మ‌ళ్లీ 90 పైస‌లు పెంపు

దేశ వ్యాప్తంగా పెట్రోల్ ధ‌ర‌లు భ‌గ్గుమంటున్నాయి. రోజువారి సమీక్షలో భాగంగా ఇవాళ లీట‌ర్ పెట్రోల్‌పై 90 పైస‌లు, డీజిల్‌పై 76 పైస‌లు పెంచుతూ చ‌మురు సంస్థ‌లు నిర్ణ‌యం తీసుకున్నాయి. దీంతో హైదరాబాద్‌లో లీట‌ర్ పెట్రోల్ ధ‌ర రూ. 113.61 కాగా, డీజిల్ ధ‌ర రూ. 99.83గా ఉంది.

ఢిల్లీలో లీట‌ర్ పెట్రోల్ ధ‌ర రూ. 100.21, డీజిల్ ధ‌ర రూ. 91.47, ముంబైలో పెట్రోల్ రూ. 115.04, డీజిల్ రూ. 99.25, చెన్నైలో లీట‌ర్ పెట్రోల్ ధ‌ర రూ. 105.94, డీజిల్ ధ‌ర రూ. 96, కోల్‌క‌తాలో లీట‌ర్ పెట్రోల్ రూ. 109.68, డీజిల్ ధ‌ర రూ. 94.62గా ఉంది. విజ‌య‌వాడ‌లో పెట్రోల్ రూ. 115.37, డీజిల్ రూ. 101.23గా ఉంది.గత 8 రోజుల్లో ఏడు సార్లు చ‌మురు ధ‌ర‌లు పెరిగాయి.