మెగా‌స్టార్ చిరంజీవి ప్రస్తుతం ‘గాడ్‌ఫాదర్’ మూవీతో బిజీగా ఉన్నాడు. మోహన్ రాజా రూపొందిస్తున్న ఈ మూవీలో చిరు పొలిటికల్ కింగ్ మేకర్‌గా పవర్ ఫుల్ పాత్రలో కనిపించబోతున్నాడు. ఇందులో ఆయన సోదరి పాత్రని నయనతార, తమ్ముడిగా సత్యదేవ్ నటిస్తుండగా.. మరో కీలక పాత్రలో బాలీవుడ్ భాయ్‌జాన్‌ సల్మాన్ ఖాన్ చేస్తున్నారు. కాగా ఈ సినిమాకి సంబంధించి ఓ ఇంట్రెస్టింగ్‌ న్యూస్‌ వెల్లడైంది.. ఇందులో ప్రజా గాయకుడు గద్దర్ కూడా నటిస్తున్నారని తెలుస్తోంది. ఈ విషయాన్ని ఇటీవల ఒక ఇంటర్వ్యూలో ఆయనే స్వయంగా చెప్పారు.
ఇందులో చిరంజీవి జైలు కెళ్ళే సన్నివేశం ఒకటుంటుంది. ఆ సందర్భంగా జైల్లో ఒక వ్యక్తి ఆయనకి పరిచయం అవుతారు. ఆయన చిరంజీవి తండ్రికి స్నేహితుడిగా చెప్పుకుంటాడు. ఆ పాత్రనే గద్దర్ చేస్తున్నారు. ఇప్పటికే దీనికి సంబంధించిన షూట్ పూర్తయిందని, తాను నటించింది కొన్ని సీన్లే అయినా తనకు మంచి పారితోషికం ఇచ్చారని గద్దర్ చెప్పారు. ఒక రకంగా తను నిజజీవిత పాత్రలో నటించానని, విప్లవ చైతన్య గీతాల కళాకారుడిగానే ఇందులో తన పాత్ర ఉంటుందని చెప్పారు. ఈ ఏడాది చివరలో విడుదల కాబోతున్న ఈ సినిమాకు తమన్ సంగీతం అందిస్తున్నాడు.
