జగన్‌తో చిరు భేటీ..ఆర్జీవీ మార్క్‌ సెటైర్

ఏపీ సీఎం జగన్‌తో మెగాస్టార్ చిరంజీవి భేటీపై తనదైన శైలీలో స్పందించారు దర్శకుడు రామ్‌గోపాల్ వర్మ. సర్ చిరంజీవి గారు, నేను మెగా అభిమానిగా మీ మెగా బెగ్గింగ్‌తో మెగా హర్ట్ అయ్యాను అంటూ సెటైర్ వేశాడు. ఈ ట్వీట్ తో పాటుగా వైఎస్ జగన్‌తో టాలీవుడ్ ప్రముఖుల బృందం సమావేశానికి సంబంధించిన వీడియో లింక్‌ను కూడా పంచుకున్నాడు.

అయితే ట్వీట్ చేసిన కొద్దిసేపటికే ఆ ట్వీట్‌ను ఆర్జీవీ తొలగించడంతో మరింత వైరల్‌గా మారింది ఆర్జీవీ ట్వీట్. జగన్‌తో భేటీకి చిరుతో పాటు మహేష్ బాబు, ప్రభాస్, రాజమౌళి, కొరటాల శివ తదితరులు హాజరయ్యారు. చిన్న సినిమాలకు 5 షోలకు అనుమతి లభించింది. పైగా సినిమా సమస్యలకు పరిష్కారం లభించింది అంటూ సమావేశం తర్వాత చెప్పగా ఆర్జీవీ చేసిన ట్వీట్ చర్చనీయాంశంగా మారింది.