గ్రీన్ ఛాలెంజ్‌లో పాల్గొన్న రోల్ రైడా..

రాజ్యసభ సభ్యులు జోగినిపల్లి సంతోష్ కుమార్ ప్రారబించిన గ్రీన్ఇండియా చాలెంజ్ లో బాగంగా హైదరాబాద్ జూబ్లీహిల్స్ జీహెచ్‌ఎంసీ పార్కులో మొక్కలు నాటారు తెలుగు ర్యాపర్ రోల్ రైడా.

ఈ సందర్భంగా రోల్ రైడా మాట్లాడుతూ పర్యావరణ పరిరక్షణకు నా వంతుగా గ్రీన్ ఇండియా చాలెంజ్ లో బాగమై మొక్కలు నాటినందుకు సంతోషంగా ఉందని అన్నారు.ఇప్పుడున్న పరిస్థితుల్లో ఈ కార్యక్రమం అవసరం ఎంతగానో ఉందని అన్నారు.యువత ఇలాంటి కార్యక్రమాల్లో పాల్గొనడం ద్వారా భవిష్యత్ తరాలకు మంచి వాతావరణం అందించినవారవుతారని అన్నారు. ప్రతి ఒక్కరు మొక్కలు నాటాలని కోరారు. ఇంత మంచి కార్యక్రమంలో పాల్గొనే అవకాశం కల్పించినందుకు ఎంపీ సంతోష్ కుమార్ కి కృతజ్ఞతలు తెలియజేశారు.అనంతరం వరుణ్ సందేశ్,సందీప్ కిషన్,కార్తికేయ ముగ్గురికి గ్రీన్ ఇండియా చాలెంజ్ ఇచ్చారు రోల్ రైడా.