హోల్డర్‌ హ్యాట్రిక్‌..విండీస్ సిరీస్ కైవసం

ఇంగ్లాండ్‌తో జరుగుతున్న ఐదో టీ20లో వెస్టిండీస్ ఆల్‌రౌండర్ జాసన్ హోల్డర్ మ్యాజిక్ చేశాడు. నాలుగు బంతుల్లో నాలుగు వికెట్లు తీసి విండీస్‌కు సిరీస్‌ విజయాన్ని అందించాడు. విండీస్ విధించిన 180 పరుగుల లక్ష్యంతో బరిలోకి దిగిన ఇంగ్లాండ్ 162 పరుగులకే ఆలౌట్‌ అయింది. జేమ్స్ విన్స్‌(55),బిల్లింగ్(41) పరుగులతో రాణించారు. వెస్టిండీస్ బౌలర్లలో హోల్డర్ (5),హోసేన్(4) వికెట్లు తీశారు.

అంతకముందు టాస్ గెలిచి బ్యాటింగ్‌కు దిగిన విండీస్ నిర్ణీత 20 ఓవర్లలో 4 వికెట్లు కొల్పోయి 179 పరుగులు చేసింది. పొలార్డ్ 41,పావెల్ 35,కింగ్ 34 పరుగులతో రాణించారు. ఈ విజయంతో విండీస్ 3-2 తేడాతో టీ20 సిరీస్‌ను కైవసం చేసుకుంది. ప్లేయ‌ర్ ఆఫ్‌ది మ్యాచ్‌, ప్లేయ‌ర్ ఆఫ్‌ది సిరీస్ అవార్డులు హోల్డర్‌కి ద‌క్కాయి.