టాలీవుడ్‌ క‌మెడీయ‌న్ రాహుల్ రామ‌కృష్ణ ప్ర‌ధాన పాత్రలో ‘నెట్’ అనే చిత్రం తెరకెక్కింది. ఇప్ప‌టి వ‌ర‌కు ఎన్నో సినిమాలలో క‌మెడీయ‌న్‌గా క‌నిపించిన రాహుల్ రామ‌కృష్ణ ఇప్పుడు లీడ్ పాత్రలో మెప్పించడానికి రెడీ అయ్యాడు. ఈ సినిమా స్ట్రీమింగ్ యాప్ జీ 5లో డైరెక్ట్ స్ట్రీమింగ్ చేయ‌నున్నారు. ఈ నేపథ్యంలో తాజాగా ఈ మూవీ నుండి టీజర్ విడుద‌ల చేశారు. ఈ టీజర్ ఎంత‌గానో ఆక‌ట్టుకుంటుంది. కొన్ని సన్నివేశాలు సినిమాపై ఆస‌క్తిని పెంచుతున్నాయి.
ఓటీటీలో విడుద‌ల కానున్న ఈ చిత్రం ప్రేక్ష‌కుల‌కి త‌ప్ప‌క అలరిస్తుంద‌ని టీజర్‌ని చూస్తుంటే అర్ధ‌మ‌వుతుంది. భార్గవ్ మాచర్ల దర్శకత్వం వహించిన ఈ చిత్రంలో రాహుల్ ఇందులో లక్ష్మణ్ అనే పాత్రలో కనిపిస్తున్నాడు. సర్వీస్ లైన్స్ ఏజెన్సీస్ లో సీసీ కెమెరాలు చెక్ చేసే పని చేస్తూ ఉండే అత‌నికి ఒక వీడియో కంటపడుతుంది. అప్పుడు ఆయన ఏం చేస్తాడు? ఫలితంగా ఎలాంటి ప్రమాదాలను ఎదుర్కొంటాడు? అనేదే కథ. ఇందులో హీరోయిన్ అవికా గోర్ కూడా కనిపిస్తుంది. ఈ చిత్రానికి నరేష్ కుమ్రన్ సంగీతం అందివ్వగా తమడ మీడియా వారు నిర్మాణం వహించారు. సెప్టెంబర్ 10న ఈ చిత్రం జీ 5 లో స్ట్రీమ్ కానుంది.
