స్టైలీష్ స్టార్ అల్లు అర్జున్ సినిమాలంటే జనాల్లో విపరీతమైన క్రేజ్ ఉంది. డిఫరెంట్ కథా చిత్రాలతో ప్రేక్షకుల్లో ఆసక్తిని రేకెత్తించే బన్నీ సరైనోడు బ్లాక్ బస్టర్‌ హిట్‌ను తనఖాతాలో వేసుకున్నాడు. తర్వాత గబ్బర్ సింగ్ ఫేమ్ హరీష్ శంకర్ దర్శకత్వంలో డీజే.. దువ్వాడ జగన్నాథంగా ప్రేక్షకుల ముందుకు వస్తున్నాడు.డీజే ప్రి లుక్ లో రుద్రాక్ష దండ.. అడ్డ నామాలుతో అలరించిన చిత్రయూనిట్ ఫస్ట్ లుక్ తో బన్నీని పర్‌ఫెక్ట్ బ్రహ్మణ యువకుడిలా తీర్చిదిద్దారు. తన కెరీర్‌లో ఫస్ట్ టైమ్ బన్నీ చారిగా నవ్వులు పూయించేందుకు ముందుకువస్తున్నాడు.
ఇక శివరాత్రి కానుకగా ఫిబ్రవరి 24న ఉదయం 9గం.లకు టీజర్ ని విడుదల చేస్తున్నట్టు ప్రకటించింది చిత్రయూనిట్. ఫస్ట్ లుక్ కి మంచి రెస్పాన్స్ రావడంతో టీజర్ ని మరింత స్టైలిష్ గా అభిమానుల అంచనాలు పెంచే విధంగా తయారు చేస్తున్నట్టు సమాచారం. ప్రస్తుతం ఈ చిత్ర షూటింగ్ నిజామాబాద్ లో జరుగుతున్నట్టు తెలుస్తున్నది. ప్రముఖ నిర్మాత దిల్ రాజు నిర్మాణంలో రూపొందుతున్న ఈ చిత్రానికి దేవి శ్రీ ప్రసాద్ సంగీతం అందించనున్నాడు.
కామెడీ యాక్షన్ సినిమాలను తెరకెక్కించే హరీష్ శంకర్ దర్శకత్వంలో తెరకెక్కుతున్న ఈ సినిమాలో పూజాహెగ్డే హీరోయిన్గా నటిస్తోంది. ఈ సినిమాలో అల్లు అర్జున్ బాడీ లాంగ్వేజ్, డైలాగ్ డెలివరీ కొత్త ఉంటుందన్న ప్రచారం జరుగుతున్న నేపథ్యంలో టీజర్ కోసం అభిమానులు ఆసక్తిగా ఎదురుచూస్తున్నారు.
