టాలీవుడ్‌ మిల్కీ బ్యూటీ తమన్నా బాటియా వరుస సినిమాలతో ఫుల్ బిజీగా ఉన్నారు. ప్రస్తుతం ఈ అమ్మడు హీరోయిన్‌గా ఎఫ్-3..సిటీ మార్..మ్యాస్ట్రో..గుర్తుందా శీతాకాలం చిత్రాల్లో నటిస్తోంది. అటు బాలీవుడ్ లోనూ మరో చిత్రంలో నటిస్తూ బిజీగా ఉంది. ఇంత బిజీగా ఉన్న మిల్కీ బ్యూటీ ఐటం పాటలను సైతం వదిలి పెట్టడం లేదు. ఇప్పటికే చాలా చిత్రాల్లో కామియో అప్పీరియన్స్ లతో ఆకట్టుకున్న తమన్నా అందాలు ఆరబోస్తు ఐటం నంబర్లతోనూ అదే రేంజ్‌లో ఎలివేట్ అయ్యే ప్రయత్నాలు చేసింది. ఇక ఇప్పుడు మరో ఐటం సాంగ్‌తో ఆకట్టుకోనుంది.
మెగా ప్రిన్స్‌ వ‌రుణ్ తేజ్ న‌టిస్తోన్న ‘గ‌ని’ మూవీలో తమన్నా స్పెష‌ల్ సాంగ్ చేస్తున్న సంగ‌తి తెలిసిందే. దీనికి సంబంధించి మరో ఇంట్రెస్టింగ్ న్యూస్ తెర‌పైకి వ‌చ్చింది. ఆగ‌స్టులో ఈ సాంగ్‌ను షూట్ చేయ‌బోతున్నార‌ట. బ్యాక్ టు బ్యాక్ ప్రాజెక్టుల‌తో బిజీగా ఉండే తమన్నా మ‌ళ్లీ స్పెష‌ల్ సాంగ్ చేయ‌డ‌మేంట‌ని కొంద‌రు డిస్క‌ష‌న్ చేస్తుండ‌గా..రెమ్యున‌రేష‌న్ వ‌ల్లే తమన్నా సాంగ్ చేయాల‌ని ఫిక్స్ అయింద‌ని మ‌రికొంత‌మంది అనుకుంటున్నారు.
ఇంత‌కీ ఈ పాట కోసం తమన్నా ఎంత పారితోషికం తీసుకుంటుందో తెలుసా..? తాజాగా వ‌స్తున్న వార్త‌ల ప్ర‌కారం రూ.75 ల‌క్ష‌లు. సాధార‌ణంగా సినిమాకు కోటి రూపాయ‌లు రెమ్యున‌రేష‌న్‌గా తీసుకునే త‌మ‌న్నాకు ఇలా ఒక్క పాట‌కు భారీ మొత్తంలో పారితోషికం ఇచ్చేందుకు మేక‌ర్స్ రెడీ అవ‌డంతో మిల్కీ బ్యూటీ గ్రీన్ సిగ్న‌ల్ ఇచ్చేసిన‌ట్టు టాక్ న‌డుస్తోంది. ఐదు రోజులపాటు పాట‌ను షూట్ చేయ‌నున్న‌ట్టు ఇన్ సైడ్ టాక్.
స్పోర్ట్స్ డ్రామా బ్యాక్ డ్రాప్ లో వ‌స్తోన్న ఈ చిత్రానికి కిర‌ణ్ కొర్ర‌పాటి డైరెక్ట‌ర్. బాలీవుడ్ న‌టి, దబాంగ్ 3 ఫేం స‌యీ మంజ్రేక‌ర్ హీరోయిన్‌గా నటిస్తోంది. జ‌గ‌ప‌తిబాబు, బాలీవుడ్ న‌టుడు సునీల్ శెట్టి, క‌న్న‌డ యాక్ట‌ర్ ఉపేంద్ర కీ రోల్స్ చేస్తున్నారు. థ‌మ‌న్ మ్యూజిక్ డైరెక్ట‌ర్. కాగా గ‌ని ప్రాజెక్టును రెనాయ్‌సెన్స్ పిక్చ‌ర్స్ బ్యాన‌ర్ పై అల్లు బాబీ, సిద్ధు ముద్ద నిర్మిస్తున్నారు.
