ద‌ర్శ‌క ధీరుడు రాజ‌మౌళి ప్ర‌స్తుతం రామ్ చ‌ర‌ణ్‌, జూనియ‌ర్ ఎన్టీఆర్ ప్ర‌ధాన పాత్ర‌ల‌లో ఆర్ఆర్ఆర్ అనే సినిమా తెర‌కెక్కిస్తున్న సంగతి తెలిసిందే. ఈ మూవీకి సంగీత దర్శకుడు ఎం ఎం కీరవాణి మ్యూజిక్ అందిస్తున్నారు. ఈరోజు ఎం ఎం కీరవాణి బర్త్‌ డే సందర్భంగా ఆర్ఆర్ఆర్ చిత్ర యూనిట్ ఆయనకి జన్మదిన శుభాకాంక్షలు తెలియజేశారు. అవైటెడ్ బిగ్గెస్ట్ మ్యూజిక్ ఆల్బమ్ అయినటువంటి “ఆర్ఆర్ఆర్” పాటలను అతి త్వరలోనే విడుదల చేయనున్నామని తెలుపుతూ పోస్టర్ విడుదల చేశారు.
కాగా, ఈ సినిమా క‌రోనా వ‌ల‌న వాయిదా ప‌డుతూ వ‌చ్చింది. సెకండ్ వేవ్‌కు ముందు ఆర్ఆర్ఆర్ చిత్రాన్ని అక్టోబ‌ర్ 13న విడుదల చేయ‌నున్న‌ట్టు ప్ర‌క‌టించారు. కాని క‌రోనాతో అన్ని సినిమాల మాదిరిగానే ఈ సినిమా కూడా వాయిదా ప‌డుతుంద‌ని అభిమానులు ఊహించారు. కాని పలు అకేష‌న్స్ సందర్భంగా ఈ మూవీ నుండి పలు పోస్ట‌ర్స్ విడుదల చేస్తుండ‌గా, అందులో విడుదల తేదీ అక్టోబ‌ర్ 13 అనే ఉంచారు. తాజాగా విడుదల చేసిన కీరవాణి బర్త్‌డే పోస్టర్ లోనూ విడుదల తేదీ అక్టోబ‌ర్ 13 అనే ఉంచారు. దీన్ని బట్టి జక్కన్న కాప్ఫిడెంట్‌ ఎంటో తెలుసుకోవచ్చు. మరి ఈ చిత్రం అనుకున్న టైంకు జక్కన్న విడుదల చేస్తారో లేదో వేచిచూడాలి.
