పవర్ స్టార్ పవన్ కళ్యాణ్ మాజీ భార్య రేణుదేశాయ్ ట్విట్టర్ వేదికగా పవన్ పై మరోసారి స్పందించారు. పవన్ తో కలిసున్నప్పుడు తీసిన కొన్ని ఫోటోలను దశల వారిగా రిలీజ్ చేస్తోంది. ఇప్పటికే రెండు ఫోటోలు వచ్చాయి. ఒకటి సూర్యోదయం చూస్తున్న పవన్. రెండు.. పసుపు రంగు టీ షర్ట్ లో బంగారంలా మెరిసిపోతున్న పవన్.
ఇప్పుడు మూడో ఫోటో వచ్చింది. ఈ ఫోటో కూడా భలే ఆకట్టుకుంది. ఈ ఫోటో పై కూడా తనదైన ప్రేమ కనబరిచింది రేణు. ”ఓ కనుబొమ్మనిపైకి పెట్టుకుని కనిపిస్తున్నారు. ఈ లుక్ అంటే నాకు చాలా ఇష్టం. ముఖ్యంగా పవన్ పవన్ కళ్యాణ్ స్కిన్ టోన్ చూస్తే ఎప్పుడూ జెలసి ఉంటుంది” అని సిగ్గుపడిపోతూ ట్వీట్ చేసింది రేణు. పవన్ నిత్యం యోగా చేయడం, మంచి ఆహారం తీసుకోవడం వలనే ఆయన చర్మం అంతప్రకాశవంతంగా ఉందని ఆమె అన్నారు.
అలాగే ఈ స్కిన్ టోన్ వెనుక రహస్యాన్ని కూడా చెప్పింది. ”ఫొటోను తాను ఎడిట్ చేయలేదు. అది రియల్ స్కిన్ టోన్. పవన్ యోగా, డైట్ చేయడం వల్లే ఆయన స్కిన్ అంత ప్రకాశమంతంగా ఉంటుంది’ అని చెప్పుకొచ్చింది రేణూదేశాయ్.
పవర్ స్టార్ పవన్ కళ్యాణ్ తో విడాకులు తీసుకున్నాక.. పిల్లలతో కలిసి రేణూ దేశాయ్ పూనేలో ఉంటున్న సంగతి తెలిసిందే. అక్కడే ఉంటూ సినిమాలు తీసుకుంటున్న ఈమె.. మధ్యమధ్యలో పవన్ కి సంబంధించిన పాత సంగతులు గుర్తు చేసుకుంటూ ఉంటుంది. కొడుకు అకీరా.. కూతురు ఆద్యల విషయాలను తన-పవన్ అభిమానులతో పంచుకుంటూ ఉంటుంది రేణూ.
