దేశవ్యాప్తంగా కరోనా మహమ్మారి కల్లోలం సృష్టిస్తోంది. ఇక సినీ ప‌రిశ్ర‌మ‌ను కరోనా వ‌ణికిస్తోంది. ఇప్పటికే పలువురు సినీ ప్రముఖులు కరోనా బారినపడ్డారు. తాజాగా హీరోయిన్‌ పూజ హెగ్డేకు కూడా కరోనా సోకింది. ఈ విషయాన్ని ఆమె స్వయంగా తన ఇన్‌స్టాగ్రామ్‌ ద్వారా తెలియజేసింది.. తాను కరోనా ప‌రీక్ష చేయించుకోగా పాజిటివ్‌గా నిర్ధారణ అయింద‌ని ఈ బ్యూటీ చెప్పింది. తాను ప్రస్తుతం హోం ఐసోలేషన్‌లో ఉన్నానని చెప్పింది. ఇటీవ‌లి కాలంలో త‌న‌ను కలిసిన వారందరూ కరోనా నిర్ధారణ ప‌రీక్ష‌లు చేయించుకోవాల‌ని తెలిపింది.
ప్రస్తుతం తాను ఆరోగ్యంగానే ఉన్నానని, అభిమానుల ప్రేమాభిమానాలకు థ్యాంక్స్ చెబుతున్నాన‌ని పేర్కొంది. కరోనా విజృంభిస్తోన్న వేళ అందరూ ఇళ్ల‌లోనే జాగ్ర‌త్త‌లు తీసుకుంటూ ఉండాలని ఆమె కోరింది. ప్రస్తుతం పూజ హెగ్డే ప‌లు సినిమాల్లో న‌టిస్తూ బిజీగా ఉంది. ఈ క్రమంలో ఆమెపై ఎక్కడో కరోనా వైరస్‌ ప్రభావం పడి ఉంటుందని సినీ వర్గాలంటున్నాయి.
