వైసీపీ ఎమ్మెల్యేకు సీఎం కేసీఆర్ ఫోన్..

వైసీపీ నేత, నగరి ఎమ్మెల్యే ఆర్‌కే రోజాకు ఫోన్ చేశారు సీఎం కేసీఆర్. నెల క్రితం చెన్నైలోని ఓ ప్రైవేట్ ఆస్పత్రిలో రోజాకు సర్జరీలు జరుగగా డాక్టర్ల సూచన మేరకు చెన్నైలోని తన నివాసంలో విశ్రాంతి తీసుకుంటున్నారు రోజా. ఈ సందర్బంగా ఎమ్యెల్యే రోజా ఆరోగ్య పరిస్థితిపై సీఎం కేసీఆర్ ఆరా తీశారు.

రోజా త్వరగా కొలుకోవాలని ఆకాంక్షించారు. రోజా కుటుంబ సభ్యుల యోగక్షేమలను అడిగి తెలుసుకున్నారు. సిఎం కెసిఆర్ ఫోన్ చేయడంపై ఎమ్యెల్యే రోజా ఆనందం వ్యక్తి చేశారు.

ఇటీవలే సీఎం కేసీఆర్‌ కరోనా బారిన పడ్డ విషయం తెలిసిందే. ప్రస్తుతం కెసిఆర్ ఆరోగ్యం మెరుగుపడింది. ఎంపీ సంతోష్‌తో పాటు కేటీఆర్‌ కూడా కరోనా బారీన పడగా వారు హోంక్వారంటైన్‌లో చికిత్స పొందుతున్నారు.