కరోనా నుంచి కోలుకున్న సోనూ సూద్..

బాలీవుడ్‌ నటుడు సోనూ సూద్‌కు ఇటీవల కోవిడ్ బారినపడిన విషయం తెలిసిందే. అయితే ఆయన కరోనా నుంచి కోలుకున్నారు. తాజాగా నిర్వహించిన కరోనా పరీక్షల్లో సోనూ సూద్‌కు నెగెటివ్ వచ్చింది. తనకు నెగెటివ్ వచ్చిందన్న విషయాన్ని సోనూ సూద్ సింబాలిక్ గా చెప్పే ప్రయత్నం చేశారు. దానికి సంబంధించిన ఫొటోను ఆయన సోషల్ మీడియాలో పంచుకున్నారు.

ఇక, గత లాక్ డౌన్ సమయంలో తన దాతృత్వ సేవలతో విశేషమైన ఖ్యాతి అందుకున్న సోనూ సూద్ మరోసారి తన మంచి మనసును చాటుకున్నారు. భారతి అనే మహిళ కరోనాతో బాధపడుతుండగా, ఆమె పరిస్థితి విషమించింది. దాంతో మెరుగైన చికిత్స కోసం ఆమెను నాగ్ పూర్ నుంచి హైదరాబాదుకు ఎయిర్ అంబులెన్స్ ద్వారా వాయు మార్గంలో తరలించారు. అందుకైన ఖర్చును సోనూ సూద్ భరించారు.