టాలీవుడ్‌ లోనైనా, బాలీవుడ్‌లోనైనా కొత్తగా విడుదలకాబోయే సినిమాలకు ఫస్ట్‌ నుంచే క్రేజ్‌ దక్కాలంటే ఆ సినిమాల్లో ఏదో ఒక స్పెషల్‌ ఉండాల్సిందే. ఆ స్పెషల్‌ కోసమే సినీ దర్శకుల వేట ఎప్పుడో మొదలైపోయింది. అవే ఐటెం సాంగ్స్‌. ఐటెంసాంగ్స్‌లకు మాత్రమే చిందులేసే భామల వంక చూసే రోజులు ఎప్పుడో పోయాయి. ఇప్పుడు ఐటెంసాంగ్స్‌ భామలంటే ఫేమస్‌ యాంకర్స్‌, హీరోయిన్సే.
ఇప్పుడు విడుదలయ్యే ప్రతీ సినిమాల్లో ఖచ్ఛితంగా ఐటెంసాంగ్ ఉండాల్సిందే. ఇదే ఇప్పటి సినిమా ట్రెండ్ గా మారిపోయింది. సినిమా రేంజ్‌ ని బట్టి ఐటెంసాంగ్‌లో ఏ భామతో చిందులేయించాలా అని తెగ ఆలోచిస్తున్నారు ఇప్పటి సినీ దర్శకులు. ఆ లిస్టులో సుకుమార్, తేజ, హరీష్‌ శంకర్‌ లు ఉన్నారు. మరికొన్ని రోజుల్లో వీరు తీయబోతున్న సినిమాలల్లో ఐటెంసాంగ్స్‌ ఉన్నాయట. దీన్నిబట్టి ఆ సినిమాలకు ఐటెంభామల తాకిడి ఎక్కువగానే ఉన్నట్లు తెలుస్తోంది.
ఎందుకంటే ..రాంచరణ్‌-సుకుమార్ కాంబినేషన్లో ఓ సినిమా రాబోతున్న సంగతి అందరికీ తెలిసిందే. సుకుమార్ సినిమాలో పక్కాగా ఐటెం సాంగ్ ఉండాల్సిందే. అందుకే సుకుమార్ ఐటెంభామ కోసం వెతుకులాట మొదలుపెట్టాడు. మరి చరణ్‌తో స్పెషల్‌ సాంగ్ లో చిందులేసే ఐటెం భామ ఎవరనేది ఇంకా సస్పెన్స్‌గానే ఉంది.
మరోవైపు బన్నీ-హరీష్‌ శంకర్‌ కాంబినేషన్లో వస్తున్న సినిమాలో కూడా ఓ ఐటెంసాంగ్ ఉందట. ఆ సాంగ్‌కి ఓ క్రేజీ భామని కూడా పట్టేసినట్టు టాక్‌. కానీ ఇప్పుడే ఆ క్రేజీ భామ ఎవరనేది తెలియకుండా జాగ్రత్త పడుతున్నారు బన్నీ-హరీష్‌ లు. ఇక రానా- తేజ కాంబినేషన్లో వస్తున్నసినిమాలో కూడా ఓ ఐటెం సాంగ్ ఉంది. మొత్తానికి వీరంతా మాంచి క్రేజ్‌ ఉన్న భామలపైనే కన్నేశారని తెలుస్తోంది. ఏదేమైనా వీరు తీసే సినిమాల రేంజ్‌ ని బట్టి కాస్త రెమ్యూనరేషన్‌ ఎక్కువైనా పర్వాలేదనే ఆలోచనలోనే ఉన్నారు ఈ దర్శకులు. మొత్తానికి వీరి ఐటెంసాంగ్స్‌ లలో ఆడిపాడే ఆ క్రేజీ భామలు ఎవరన్నది తొందర్లోనే తేలిపోనుంది.
