కమల్ ఆస్తులెంతో తెలుసా…?

తమిళనాడు ఎన్నికలు రసవత్తరంగా మారాయి. ఏప్రిల్ 6న ఎన్నికలు జరగనుండగా ఈసారి ఎన్నికల్లో తన అదృష్టాన్ని పరీక్షించుకుంటున్నారు మక్కల్ నీది మయ్యం అధినేత,సినీ నటుడు కమల్ హాసన్.

కోయంబత్తూరు సౌత్ నుండి నామినేషన్ దాఖలు చేసిన కమల్ తన ఆస్తుల వివరాలను వెల్లడించారు. తనకు మొత్తం రూ.176 కోట్ల ఆస్తులున్నాయని తెలిపిన కమల్…. ఇందులో రూ.45 కోట్లకు పైగా చరాస్తులు, రూ.131 కోట్ల స్థిరాస్తులు ఉన్నట్లు ప్రకటించారు. రూ.2.7 కోట్ల లెక్సస్ కారు, లండన్ లో2.5 కోట్ల ఇళ్లు, రూ. 45 కోట్ల అప్పులు ఉన్నట్లు తెలిపారు.

తమిళనాడు అసెంబ్లీలో 234 సీట్లు ఉండగా, పొత్తుల నేపథ్యంలో కమలహాసన్ మక్కళ్ నీది మయ్యం పార్టీ 154 స్థానాల్లో పోటీ చేయాలని నిర్ణయించింది. మిగతా స్థానాల్లో భాగస్వామ్య పక్షాలకు మద్దతు పలకాలని తీర్మానించింది.