కశ్మీర్ అంశంపై జోక్యం చేసుకోవద్దు…

కశ్మీర్ అంశంపై న్యూయార్క్ రాష్ట్ర అసెంబ్లీ చేసిన తీర్మానంపై ఆగ్రహం వ్యక్తం చేసింది భారత్. ఫిబ్రవరి 5ను ‘కశ్మీర్‌ అమెరికన్‌ డే’గా ప్రకటించాలంటూ తీర్మానం చేసింది. న్యూయార్క్‌ అసెంబ్లీ సభ్యుడు నాదర్‌ సయేగ్‌ మరో 12 మందితో కలిసి ఈ తీర్మానాన్ని ప్రవేశపెట్టారు. దీనిని భారత్ తప్పుబట్టింది.

కశ్మీర్ అంశం తమ అంతర్గత వ్యవహారమని, ఇందులో ఇతరుల జోక్యాన్ని సహించబోమని తేల్చి చెప్పింది. అమెరికా మాదిరిగా భారత్‌ కూడా అతిపెద్ద ప్రజాస్వామ్య దేశం, భిన్నమైన సంస్కృతికి నిదర్శనం.. అందులో జమ్మూ-కశ్మీర్‌ ఓ భాగమే.. ఇది 135 కోట్ల మంది భారతీయులకు ఎంతో గర్వకారణం అంటూ వాషింగ్టన్‌లోని భారత రాయబార కార్యాలయం ప్రతినిధి వ్యాఖ్యానించారు. న్యూయార్క్‌ అసెంబ్లీ సభ్యులను కలిసి భారత్‌-అమెరికా సత్సంబంధాలపై చర్చిస్తామన్నారు.