స్టైలీష్‌ స్టార్‌ అల్లు అర్జున్ ప్రస్తుతం సుకుమార్ ద‌ర్శ‌క‌త్వంలో ‘పుష్ప’ సినిమాలో న‌టిస్తోన్న విషయం తెలిసిందే. ఈ చిత్రం నుండి తాజాగా మ‌రో పోస్ట‌ర్‌ను విడుద‌ల చేసింది చిత్ర బృందం. అయితే, గ‌తంలో విడుద‌ల చేసిన పోస్ట‌ర్, తాజాగా విడుద‌ల చేసిన పోస్ట‌ర్‌లో బ‌న్నీకి సంబంధించిన ఓ విషయంలోని తేడాని నెటిజ‌న్లు గుర్తించారు. ప్రస్తుతం ఈ విషయం హాట్ టాపిక్‌గా మారింది. తాజా పోస్ట‌ర్‌లో గొడ్డ‌లి ప‌ట్టుకుని చుట్టూ త‌న బ‌లగంతో పుష్ప రాజ్‌ ఉన్నాడు.
ఈ సినిమాలో బన్నీ స్మగ్లర్‌గా క‌న‌ప‌డ‌నున్న ఆయ‌న ఎడ‌మ కాలుకి ఈ కొత్త పోస్ట‌ర్‌లో ఐదు వేళ్లు మాత్రమే ఉన్నాయి. గ‌తంలో విడుద‌ల చేసిన ఫస్ట్ లుక్‌లో మాత్రం ఎడ‌మ‌కాలికి ఆరు వేళ్లు ఉన్నాయి. దీంతో ఈ సినిమాలో ఆయ‌న ద్విపాత్రాభినయం చేస్తున్న‌ట్లు చర్చ జ‌రుగుతోంది. లేదంటే పోస్ట‌ర్ నే త‌ప్పుగా చిత్రీక‌రించారా? అన్న సందేహాలు వ‌స్తున్నాయి. ఇక ఈమూవీ విడుద‌ల తేదీని కూడా బృందం ఇటీవ‌లే ప్ర‌క‌టించింది. ఆగస్టు 13న ‘పుష్ప’ చిత్రాన్ని థియేట‌ర్ల‌లో విడుద‌ల చేస్తున్న‌ట్లు సమాచారం.
