అమెరికన్ తెలుగు అసోసియేషన్ ప్రెసిడెంట్‌గా భువనేశ్ బుజాల పదవి బాధ్యతలు స్వీకరించారు. వాషింగ్టన్ డీసీ నివాసి అయినా భువనేశ్ 2004 సంవత్సరం నుంచి ఆటాలో ఉత్సాహంగా పాలుపంచుకొన్నారు. 2014లో జరిగిన ఫిలడెల్ఫియా కన్వెన్షన్లో కోఆర్డినేటర్‌గా బాధ్యతలు నిర్వహించిన భువనేశ్ నాశ్విల్లే నగరంలో జనవరి 16న జరిగిన ఆట కార్యవర్గ సమావేశంలో ప్రెసిడెంట్ పదవి అధిరోహించారు.
ఆటా ప్రెసిడెంట్ గా భువనేశ్ బుజాల, ప్రెసిడెంట్ ఎలెక్ట్‌గా మధు బొమ్మినేని ఎన్నిక అయ్యారు. సెక్రటరీగా హరిప్రసాద్ రెడ్డి లింగాల, ట్రేషరేర్‌గా సాయినాథ్ రెడ్డి బోయపల్లి, జాయింట్ సెక్రటరీగా రామకృష్ణ రెడ్డి ఆలా, జాయింట్ ట్రేషరేర్‌గా విజయ్ కుందూరు, ఎగ్జిక్యూటివ్ డైరెక్టర్‌గా రఘువీర్ రెడ్డి ఎన్నిక అయ్యారు. నాశ్విల్లే నగరంలో జరిగిన ఆటా బోర్డు మీటింగ్‌లో నూతన కార్యవర్గం పదవి బాధ్యతలు స్వీకరించింది.
డిసెంబర్ మాసంలో హోరాహోరీగా జరిగిన ఎన్నికలలో ఆటా బోర్డు అఫ్ ట్రస్టీస్‌గా జయంత్ చల్ల, కాశీ విశ్వనాధ్ కొత్త, పరశురాం పిన్నపురెడ్డి, శారద సింగిరెడ్డి, సోమశేఖర్ నల్ల, తిరుపతి రెడ్డి ఎర్రంరెడ్డి, హను తిరుమల రెడ్డి, ప్రశీల్ గూకంటి, రఘువీర్ రెడ్డి. రామ్ అన్నాది, రవీందర్ గూడూరు, రిండా సామ, శరత్ వేముల, సుధీర్ బండారు మరియు విజయభాస్కర్ తుపల్లి ఎన్నికయ్యారు.
ప్రెసిడెంట్ భువనేశ్ తన ప్రాధాన్యతలు వివరించారు. ఆటా ఎమర్జెన్సీ సర్వీసెస్ అమెరికా సంయుక్త రాష్ట్రాలలోని ప్రతి రాష్ట్రానికి విస్తరిస్తున్నామని వివరించారు. ఆపదలో ఉన్న తెలుగు వారు ఆటా సేవ 1-844-ఆటా-సేవ టోల్ ఫ్రీ నెంబర్‌కు కాల్ చెయ్యవలిసిందిగా విజ్ఞప్తి చేశారు. ఆటా ఫౌండేషన్ ద్వారా తెలుగు రాష్ట్రాలలో ఎన్నో సేవ కార్యక్రమాలు నిర్వహించబోతున్నామన్నారు. అమెరికాలో తెలుగు సంస్కృతి సంప్రదాయాలను పరిరక్షించడానికి ఆటా ఎల్లప్పుడూపెద్ద పీఠ వేస్తుందన్నారు. మన మాతృభూమిలో సేవ కార్యక్రమాలు నిర్వహించాలనుకునే ప్రవాసులు ఆటాను సంప్రదించవలసిందిగా కోరారు. సంస్థ నిర్వహణ కార్యక్రమలో అమెరికాలో పుట్టి పెరిగిన మన పిల్లలను బాగస్వాములు చెయ్యటానికి తగు సూచనలు సలహాలు ఇవ్వవలిసిందిగా బోర్డును కోరారు. ఇందు కోసం యూత్ కమిటీ ఏర్పాటు చేశారు. మొట్ట మొదట సారిగా ఆటా కన్వెన్షన్ అమెరికా రాజధాని వాషింగ్టన్ డీసీ నగరంలో 2022 సంవత్సరంలో జులై 1-3 తారీకులలో నిర్వహిస్తున్నామని అందరూ తప్పక పాలుపంచుకోవాలిసిందిగా కోరారు.
కోవిడ్‌ సమయంలో సహాయక చర్యలు, సంస్థ బాధ్యతలు ఎంతో సమర్ధవంతంగా నిర్వహించి పదవి విరమణ చేసిన పరమేష్ భీంరెడ్డికి ప్రత్యేకంగా ధన్యవాదాలు తెలియచేశారు. ఎన్నికలు సమర్థవంతంగా నిర్వహించిన రవి పట్లోళ్లకి, ప్రీవియస్ ప్రెసిడెంట్ కరుణాకర్ ఆసిరెడ్డిని బోర్డు అభినంచింది. నాశ్విల్లే నగరంలో ఆతిధ్యం ఇచ్చిన ఆటా సబ్యులకు పేరు పేరున కృతజ్ఞతలు తెలియచేశారు. ఆటాకు తోడ్పాటు అందిస్తున్న లోకల్ ఆర్గనైజషన్స్‌ను బోర్డు కొనియాడింది.
