యంగ్ టైగర్ ఎన్టీఆర్ సోషల్ మీడియాలో చాలా తక్కువగా ప్రత్యక్షం అవుతుంటాడు. మొన్న బాబాయి గౌతమిపుత్ర శాతకర్ణి టీం కు శుభాకాంక్షలు తెలిపిన తారక్..మరోసారి తన ట్విట్టర్ కు పని చెప్పాడు. సోషల్ మీడియా వేదికగా బాలీవుడ్ యాక్టర్ సినిమాకు విషెస్ తెలిపాడు. సౌత్ లో విలన్ గా సపోర్టింగ్ ఆర్టిస్ట్ గా నటించిన విద్యుత్ జమాల్ బాలీవుడ్ లో హీరోగా తెరకెక్కిన సినిమా కమాండో. ఈ సినిమాకు సీక్వల్ గా తెరకెక్కుతున్న కమాండో 2 తెలుగులో రిలీజ్ అవుతున్న సందర్భంగా ఎన్టీఆర్ జమాల్ కు విషెస్ చెప్పాడు.
నా ప్రియమైన స్నేహితుడు విద్యుత్ జమాల్ హీరోగా తెరకెక్కిన కమాండో 2 తెలుగులో వస్తోంది. అతడికి ఆల్ ద బెస్ట్’ అని ట్వీట్ చేశాడు. ఎన్టీఆర్ హీరోగా తెరకెక్కిన శక్తి, ఊసరవెల్లి సినిమాల్లో జమాల్ కీలక పాత్రల్లో నటించాడు. ఆ సమయంలో తారక్ కు జమాల్ తో మంచి స్నేహం ఏర్పడింది. ఆ స్నేహాన్ని గుర్తుకు చేస్తు తారక్..జమాల్ నటించిన కమాండో 2 సినిమాకు విషెస్ తెలిపాడు.
Wishing my dear friend @VidyutJammwal the very best for his #Commando2 in Telugu https://t.co/oNIEANH9gb
— Jr NTR (@tarak9999) January 28, 2017
