సూపర్ స్టార్ మహేశ్ బాబు హీరోగా గీతాగోవిందం ఫేమ్ పరశురామ్ దర్శకత్వంలో తెరకెక్కుతున్న చిత్రం సర్కారువారి పాట. మహేశ్ సరసన కీర్తి సురేష్ హీరోయిన్‌గా నటిస్తుండగా తాజాగా సినిమాకు సంబంధించి మరో అప్ డేట్ వచ్చేసింది.
మహేష్ తండ్రి సూపర్ స్టార్ కృష్ణ గారి పుట్టినరోజు సందర్బంగా ఈ ఏడాది మే 31 న సర్కారు వారి పాట ప్రీ లుక్ పోస్టర్ విడుదల చేసింది చిత్రబృందం. అయితే అప్పుడే ఈ పోస్టర్ ఫాస్టెస్ట్ లక్ష లైకులు సంపాదించిన పోస్టర్ గా రికార్డును సృష్టించింది. తాజాగా మరో రికార్డును కూడా సొంతం చేసుకుంది. ట్విట్టర్ లో ఫాస్టెస్ట్ 50 వేల రీట్వీట్స్ అందుకున్న పోస్టర్ గా నిలిచింది.
ఈ సినిమాకు తమన్ సంగీతం అందిస్తుండగా మైత్రీమూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ నిర్మిస్తున్నాయి. బ్యాంకు మోసాల బ్యాక్‌డ్రాప్‌లో సాగే రివెంజ్‌ డ్రామాగా మూవీ తెరకెక్కుతుండగా ఓ బ్యాంకు మేనేజర్‌ కొడుకుగా మహేశ్ కనిపించనున్నట్లు టీటౌన్‌లో ప్రచారం జరుగుతోంది.
