రాష్ట్రంలో 75 వేలు దాటిన కరోనా కేసులు..

తెలంగాణలో కరోనా పాజిటివ్ కేసుల సంఖ్య 75 వేలు దాటాయి. గత 24గంటల్లో 2,207 కరోనా పాజిటివ్‌ కేసులు నమోదుకాగా 12 మంది మృత్యువాత పడ్డారు.

ఇప్పటి వరకు రాష్ట్రవ్యాప్తంగా పాజిటివ్‌ కేసుల సంఖ్య 75,257కి చేరగా మృతుల సంఖ్య 601కి చేరింది. ప్రస్తుతం 21,417 యాక్టివ్ కేసులు ఉండగా ఇందులో 14,837 మంది హోం ఐసోలేషన్‌లో ఉన్నారని 53,239 మంది వైరస్‌ నుంచి కోలుకున్నారని వైద్య ఆరోగ్య శాఖ వెల్లడించింది.

తెలంగాణలో ఇప్పటివరకు 5,66,984 కరోనా టెస్టులు నిర్వహించగా గత 24 గంటల్లో 23,495 కరోనా నిర్ధారణ పరీక్షలు చేశారు. దేశంలో కరోనా రికవరీ రేటు 67.62 శాతంగా ఉండగా తెలంగాణలో 70.7గా ఉంది.