సూపర్‌స్టార్ రజనీకాంత్ ఇటు సినిమాలతో అటు రాజకీయాలతో బిజీగా గడుపుతున్నాడు. అయితే ఎవరో గుర్తుతెలియని వ్యక్తి నుండి తలైవా ఇంటికి బాంబు బెదిరింపు కాల్ వచ్చింది. పోయిస్ గార్డెన్స్‌లోని రజనీ ఇంట్లో బాంబు పెట్టామని.. అది ఏ క్షణమైనా పేలుతుందని ఓ గుర్తు తెలియని వ్యక్తి నుంచి ఫోన్ కాల్ రావడంతో పోలీసులు హడావుడిగా రజనీ ఇంటికి చేరుకున్నారు.
ఇంటిని,పరిసరాలను మొత్తం గాలించారు బాంబ్ స్వ్కాడ్, డాగ్ స్క్వాడ్‌. కానీ అక్కడ బాంబు ఆచూకీ లేకపోవడంతో పోలీసులు ఉపిరిపీల్చుకున్నారు.దీంతో అది ఫేక్ కాల్ అని.. ఇది ఎవరో ఆకతాయి చేసిన పనిగా నిర్ధారించారు. ఫోన్ కాల్ ఆధారంగా దర్యాప్తు చేపట్టారు తమిళనాడు పోలీసులు.
అయితే రజనీకాంత్ ఇంటికి బాంబు పెట్టామని ఇంతకుముందు కూడా చాలా సార్లు ఇలాగే బెదిరింపు కాల్స్ వచ్చాయట. ఇలా చాలా సార్లు ఫోన్లు వస్తుంటాయి. అయితే తమిళనాడులో ఎన్నికలు సమీపిస్తున్న నేపథ్యంలో ఇలాంటి కాల్స్ పోలీసులు సీరియస్‌గా తీసుకుంటున్నారు. ఇక త్వరలో రజనీకాంత్ రాజకీయ పార్టీని ప్రకటించబోతున్న సంగతి తెలిపిందే.
