ఇష్టం సినిమాతో వెండితెరకు పరిచయమైన బ్యూటీ శ్రియ. తొలిసినిమాతోనే ప్రేక్షకులను మెప్పించిన శ్రియ…అనతికాలంలోనే అగ్రహీరోలతో నటించే అవకాశాన్ని కొట్టేసింది.కొద్దికాలంగా సినిమాలకు దూరంగా ఉంటున్న శ్రియ హలో లైవ్ చాట్‌లో ఆసక్తికర విషయాలను వెల్లడించారు. హీరోలపై తన మనసులోని మాటలను బయటపెట్టిన శ్రియ తాజాగా తానుచేయబోయే ప్రాజెక్టు గురించి చెప్పింది.
తాను దర్శకధీరుడు రాజమౌళి తెరకెక్కిస్తున్న ఆర్ఆర్ఆర్ మూవీలో నటిస్తున్నట్లు చెప్పుకొచ్చింది. దాదాపు రూ. 400 కోట్ల బడ్జెట్‌తో తెరకెక్కుతున్న ఈ సినిమాకు రౌద్రం రణం రుధిరం అనే టైటిల్‌ను ఖరారుచేయగా సినిమాకు సంబంధించి ఎలాంటి లీక్స్ లేకుండా జాగ్రత్తపడుతున్నారు జక్కన్న.
ఇందుకుసంబంధించి నటీనటులకు క్లీయర్‌గా సూచనలు కూడా చేశారు రాజమౌళి. అయితే వాటిని లైట్‌గా తీసుకున్న శ్రియా..ఆర్‌ఆర్ఆర్‌లో తాను నటిస్తున్నట్లు చెప్పుకొచ్చింది. దీంతో శ్రియాకు రాజమౌళి వార్నింగ్ ఇచ్చారట. ప్రస్తుతం ఈ వార్త టీటౌన్‌లో హాట్‌ టాపిక్‌గా మారింది.గతంలో రాజమౌళి దర్శకత్వంలో ప్రభాస్ హీరోగా తెరకెక్కిన చత్రపతి సినిమాలో హీరోయిన్‌గా నటించింది శ్రియా.
