అత్యాధునిక ఫీచర్స్‌తో ఎల్జీ స్టైలో..!

సరికొత్త ఫీచర్స్‌తో స్మార్ట్ ఫోన్‌ని లాంఛ్ చేసింది ఎల్జీ. గతేడాది లాంచ్‌ అయిన స్టైలో 5కి మరికొన్ని ఫీచర్స్ జతచేసి స్టైలో 6ని మార్కెట్‌లోకి రిలీజ్ చేసింది ఎల్జీ.

6.8 అంగుళాల ఫుల్ హెచ్ డీ+ ఫుల్ విజన్ డిస్ ప్లే, వెనకవైపు మూడు కెమెరాలు, స్టైలస్ పెన్, 4000 ఎంఏహెచ్ బ్యాటరీ వంటి స్పెసిఫికేషన్లను అందించారు. ఆండ్రాయిడ్ 10 ఆపరేటింగ్ సిస్టంపై ఈ ఫోన్ పనిచేయనుంది. ఆక్టాకోర్ మీడియాటెక్ హీలియో పీ35 ప్రాసెసర్ ను ఇందులో అందించారు. 3 జీబీ ర్యామ్, 64 జీబీ స్టోరేజ్‌తో ఫోన్ మార్కెట్‌లో లాంఛ్ అయింది.

ఈ స్మార్ట్ ఫోన్ ధరను 219.99 డాలర్లుగా(సుమారు రూ.16,600) నిర్ణయించారు. అయితే ప్రమోషనల్ ఆఫర్ కింద దీనిపై 40 డాలర్ల తగ్గింపు లభించనుంది. దీంతో దీని ధర 179.99 డాలర్లుగా(సుమారు రూ.13,600) ఉండనుంది. స్టైలో 5 స్మార్ట్ ఫోన్ కంటే దీని ధర తక్కువ కావడం విశేషం.