లాక్‌డౌన్‌కు విఘాతం కలిగిస్తే కఠినచర్యలు: ఎర్రబెల్లి

లాక్‌డౌన్‌కి విఘాతం కలిగేలా ప్రవర్తించేవారిని ఎట్టి పరిస్థితుల్లోనూ ఉపేక్షించొద్దన్నారు మంత్రి ఎర్రబెల్లి దయాకర్ రావు. జనగామ జిల్లా కొడకండ్ల మండలం మొండ్రాయి గిర్నితండా వద్ద ఏర్పాటు చేసిన చెక్‌పోస్టును ఆకస్మికంగా తనిఖీ చేశారు ఎర్రబెల్లి.

ఈ సందర్భంగా మాట్లాడిన ఆయన లాక్‌డౌన్‌ని ప్రజలు పాటించేలా పోలీసు అధికారులు చర్యలు తీసుకోవాలన్నారు. వేర్వేరు ప్రాంతాల నుంచి ప్రయాణిస్తున్న వాళ్లని ఎక్కడికక్కడ ఉండేట్లు చర్యలు తీసుకోవాలన్నారు.

ప్రజలు లాక్‌డౌన్‌ను కచ్చితంగా పాటించకపోతే లాక్‌డౌన్‌ను పొడిగించే పరిస్థితులు వస్తాయని….ప్రస్తుతం అదుపులోకి వస్తున్న కరోనాని కట్టడి చేయాలంటే లాక్‌డౌన్‌ ఇలాగే కొనసాగించాలన్నారు.