క్వారంటైన్‌లో గుజరాత్ సీఎం..

దేశంలో కరోనా పాజిటివ్ కేసుల సంఖ్య రోజురోజుకి పెరిగిపోతోంది. దేశంలో కరోనా పాజిటివ్ కేసుల సంఖ్య 11,439కి చేరుకోగా 377 మంది చనిపోయారు. కరోనా నుంచి 1,306 మంది బాధితులు కోలుకొని డిశ్చార్జ్‌ అయ్యారు.

ఇక గుజరాత్‌కు చెందిన ఓ కాంగ్రెస్‌ ఎమ్మెల్యేకు కరోనా పాజిటివ్‌ అని తేలడంతో ఆ రాష్ట్ర ముఖ్యమంత్రి విజయ్‌ రూపానీ ముందస్తు జాగ్రత్తగా స్వీయ నిర్బంధంలోకి వెళ్లారు.

ఇటీవల ఆ ఎమ్మెల్యే ముఖ్యమంత్రితో భేటీ అయిన కారణంగానే ఈ నిర్ణయం తీసుకున్నారు. బుధవారం కోవిడ్ -19 పరీక్ష చేయించుకున్న రూపానీ తనకు తాను నిర్బంధించుకున్నారు. బుధవారం నాటికి గుజరాత్‌లో మొత్తం 617 కరోనా పాజిటివ్‌ కేసులు నమోదు అయ్యాయి.. అలాగే మృతుల సంఖ్య 26కు చేరింది.