ఇంగ్లాండ్ స్టార్ ఆట‌గాడిగా త‌న‌కంటూ ఓ ఇమేజ్ క్రియేట్ చేసుకున్నాడు కెవిన్ పీటర్సన్. కెవిన్ ఆట,స్టైల్‌ని ఇష్ట‌ప‌డ‌ని క్రికెట్ ల‌వ‌ర్ ఉండ‌రు. ఇక భార‌త్‌తో కెవిన్‌కు చాలామంది ఫ్యాన్స్ కూడా ఉన్నారు. ఐపీఎల్ వ్యాఖ్యాత‌గా కూడా ప‌నిచేసిన పీటర్సన్ ఎప్ప‌టిక‌ప్పుడు భార‌త్ క్రికెట్ ఫ్యాన్స్‌తో తన అభిప్రాయాల‌ను షేర్ చేస్తూనే ఉంటాడు.
తాజాగా సోష‌ల్ మీడియా ద్వారా మ‌రో ఆస‌క్తిక‌ర విష‌యాన్ని వెల్ల‌డించారు పీటర్సన్. భారత స్టార్ ఓపెనర్ రోహిత్ శర్మని గురువారం తాను స్పెషల్ ఇంటర్వ్యూ చేయనున్నట్లు వెల్లడించాడు. ఈరోజు సాయంత్రం 4 గంటలకి ఈ ఇంటర్వ్యూని షెడ్యూల్ చేసిన పీటర్సన్.. అభిమానులు కూడా జాయిన్ కావొచ్చని తెలియజేశాడు.
కరోనా వైరస్ విషయంలో తొలుత అలక్ష్యంగా వ్యవహరించిన ఇంగ్లాండ్ ఇప్పుడు మూల్యం చెల్లించుకుంటోంది. ఈ నేప‌థ్యంలో కరోనా వైరస్ కట్టడి కోసం సామాజిక దూరం పాటించాలని హిందీలో సూచనలు చేస్తూ అవగాహన కల్పించే ప్రయత్నం చేశాడు. దేశంలో 21 రోజుల పాటు విధించిన లాక్‌డౌన్‌కి కూడా పీటర్సన్ తన మద్దతు తెలిపాడు.
