ప్రభాస్ మూవీలో బాలీవుడ్ హీరోయిన్!

యంగ్ రెబల్ స్టార్ ప్రభాస్ ప్రస్తుతం జాన్ మూవీలో నటిస్తున్నారు. జిల్ మూవీ దర్శకుడు రాధాకృష్ణ ఈచిత్రానికి దర్శకత్వం వహిస్తున్నారు. పూజా హెగ్డే హీరోయిన్ గా చేస్తున్న ఈమూవీని యూవీ క్రియేషన్స్ సంస్ధ బ్యానర్ లో నిర్మిస్తున్నారు. 1970 కాలానికి సంబంధించిన సినిమా కావడంతో కథకు తగ్గట్టుగా సెట్స్ ను ఏర్పాటు చేస్తున్నారు. ప్రస్తుతం హైదరాబాద్ లో ఈమూవీ షూటింగ్ జరుగుతుంది.

సమ్మర్ లో ఈమూవీ విడుదల చేయనున్నారు. ఇదిలాఉండగా ప్రభాస్ తన తర్వాతి చిత్రం మహానటి మూవీ దర్శకుడు నాగ్ అశ్విన్ దర్శకత్వంలో చేయనున్నారు. వైజయంతీ మూవీస్ బ్యానర్ పై ఈసినిమాను నిర్మించనున్నారు. ఈమూవీకి సంబంధించి ఇటివలే అధికారిక ప్రకటన విడుదల చేశారు. కాగా ఈమూవీలో ప్రభాస్ సరసన హీరోయిన్ గా బాలీవుడ్ హీరోయిన్ దీపికా పడుకొనేను తీసుకున్నట్లు తెలుస్తుంది. ఈమూవీ షూటింగ్ నవంబర్ లో ప్రారంభంకానుంది.