సూపర్‌స్టార్‌ మహేష్‌ ఆర్మీ మేజర్ అజయ్ కృష్ణ గా దిల్‌రాజు శ్రీవెంకటేశ్వర క్రియేషన్స్‌ సమర్పణలో జి.ఎం.బి. ఎంటర్‌టైన్‌మెంట్‌, ఎ.కె.ఎంటర్‌టైన్‌మెంట్స్‌ పతాకాలపై యంగ్‌ టాలెంటెడ్‌ డైరెక్టర్‌ అనిల్‌ రావిపూడి దర్శకత్వంలో రామబ్రహ్మం సుంకర నిర్మిస్తున్న భారీ యాక్షన్ ఎంటర్టైనర్ ’సరిలేరు నీకెవ్వరు’. రష్మిక మందన్న హీరోయిన్‌గా నటిస్తోన్న ఈ చిత్రంలో ప్రత్యేక పాత్రలో లేడీ అమితాబ్‌ విజయశాంతి నటిస్తున్నారు. ఈ చిత్రం సంక్రాంతి కానుక‌గా జ‌న‌వ‌రి 11న విడుద‌ల కానుంది.
ఈ నేపథ్యంలో సినిమా విడుదలకు ఇంక ప‌ది రోజుల స‌మయం మాత్ర‌మే ఉండ‌డంతో చిత్ర బృందం ప్ర‌మోష‌న్స్‌పై దృష్టి పెట్టారు.. ప్రమోషన్స్‌లో భాగంగా జ‌న‌వ‌రి 5న ఎల్బీ స్టేడియంలో ప్రీ రిలీజ్ వేడుకను ఘ‌నంగా నిర్వహించనున్నారు. మ‌రోవైపు సినిమాలోని ముఖ్య తారల ఇంట‌ర్వ్యూలతో చిత్రానికి హైప్‌ తీసుకొస్తున్నారు. అయితే తాజాగా ఈ చిత్ర ద‌ర్శ‌కుడు అనీల్ రావిపూడి, లేడీ సూప‌ర్ స్టార్ విజయశాంతి ఓ ఇంట‌ర్వ్యూలో పాల్గొన్నారు. సినిమా గురించి ఆసక్తికరమైన విషయాలను పంచుకున్నారు.
