టాలీవుడ్‌ యంగ్‌ హీరో రాజ్ తరుణ్ తాజాగా నటిస్తున్న చిత్రం ‘ఇద్దరి లోకం ఒకటే’. ఈ చిత్రంలో అర్జున్ రెడ్డి షాలిని పాండే క‌థానాయిక‌గా న‌టిస్తుంది. జి.ఆర్‌.కృష్ణ ఈ చిత్రంతో దర్శకుడిగా పరిచయం అవుతున్నారు. దిల్ రాజు సమర్పణలో శ్రీ వెంక‌టేశ్వర క్రియేష‌న్స్ పతాకంపై శిరీష్ ఈ సినిమాను నిర్మిస్తున్నారు. డిసెంబర్ 25న ఈ చిత్రం విడుదల కానుంది. ఈ నేపథ్యంలో తాజాగా మూవీ నుండి ట్రైలర్ విడుదల చేశారు చిత్ర బృందం.
ఇక ట్రైలర్ విషయానికొస్తే.. చిన్నతనంలో ఫ్రెండ్స్ అయిన అమ్మాయి, అబ్బాయి పెద్దయ్యాక మళ్లీ కలుసుకోవడం, వాళ్ల మధ్య ప్రేమ పుట్టడం ప్రధాన కథాంశంగా తెలుస్తోంది . ట్రైలర్ చివ‌ర‌లో ‘గీతాంజలి’ సినిమాలోని ఓం నమహా పాటలో నాగార్జున, గిరిజ ముద్దు పెట్టుకున్న సీన్‌ను రాజ్ తరుణ్, షాలినీ చూస్తూ ఏదో లోకంలోకి వెళ‌తారు.
ఈ సీన్ ప్రేక్ష‌కుల‌కి చాలా ఇంట్ర‌స్టింగ్‌గా అనిపించింది. మొత్తానికి ‘ఇద్దరి లోకం ఒకటే’ మూవీని ఫీల్ గుడ్ ఎంట‌ర్‌టైన‌ర్‌లా తెర‌కెక్కించార‌ని అర్ధ‌మ‌వుతుంది. మిక్కీ జే మేయర్ సంగీతం సమకూర్చిన ఈ చిత్రానికి స‌మీర్ రెడ్డి సినిమాటోగ్రఫీ అందించారు.
#IddariLokamOkate Trailer ft. Raj Tarun, Shalini Pandey. Directed by G.R. Krishna. Releasing On December 25th.
