సూపర్ స్టార్ మహేశ్ బాబు హీరోగా తెరకెక్కుతున్న చిత్రం సరిలేరు నీకెవ్వరు. అనిల్ రావిపూడి దర్శకత్వం వహిస్తున్న ఈసినిమాలో రష్మీక మందన హీరోయిన్ గా నటింస్తోంది. భారీ బడ్జెట్ తో తెరకెక్కుతున్న ఈసినిమాను దిల్ రాజు నిర్మాతగా వ్యవహరిస్తున్నారు. ఈమూవీ షూటింగ్ ప్రస్తుతం కేరళ లో జరుగుతుంది.
తాజాగా ఈ చిత్ర బృందం మొత్తం ఓ గ్రూప్ ఫొటోతో సందడి చేసింది.మహేశ్ బాబు, రష్మిక, ప్రకాశ్ రాజ్, విజయశాంతి, రఘుబాబు, దర్శకుడు అనిల్ రావిపూడి, ఇతర నటీనటులు, టెక్నీషియన్లంతా కొలువుదీరిన ఈ ఫొటో సూపర్ స్టార్ అభిమానులకు కనులపండుగే అని చెప్పాలి. కేరళలో షూటింగ్ సందర్భంగా యూనిట్ సభ్యులంతా ఒక్కచోట చేరి సందడి చేశారు. ఈఫోటో ఇప్పుడు సోషల్ మీడియాలో వైరల్ గా మారింది.
కాగా ఈమూవీలో ప్రముఖ నటి విజయశాంతి కీలకపాత్రలో కనిపించనున్నారు. మహేశ్ బాబు మేజర్ అజయ్ కృష్ణ పాత్రలో నటించగా..ఇందుకు సంబంధించిన ఫస్ట్ లుక్ కూడా విడుదలైన సంగతి తెలిసిందే. ఈసినిమా సంక్రాంతి కానుకగా జనవరి 12న గ్రాండ్ గా రిలీజ్ చేయనున్నారు. మహర్షి సినిమా తర్వాత మహేశ్ బాబు చేస్తున్న ఈసినిమా కావడం భారీగా అంచానలున్నాయి.
