బిగ్‌బాస్‌ 3 టైటిల్ ఎవరు ఎగరేసుకుపోతారనేదానిపై సర్వత్రా ఉత్కంఠ నెలకొంది. టైటిల్ రేసులో రాహుల్ సిప్లిగంజ్, శ్రీముఖి, బాబా భాస్కర్‌, అలీ రెజా, వరుణ్‌లు ఉన్నారు. అయితే ప్రధాన ఫైట్ మాత్రం రాహుల్, శ్రీముఖి మధ్యలోనే ఉంది.
అయితే ఫైనల్స్‌ కంటే ముందే గూగుల్ విజేత ఎవరనేది చెబుతోంది. ఆ విన్నర్ ఎవరో కాదు రాహుల్ అని తెలుపుతోంది. గూగుల్‌లో Bigg Boss Telugu 3 Winner అని టైప్ చేస్తే.. రాహుల్ సిప్లిగంజ్ అంటూ చూపుతోంది. ఇక రాహుల్ ఫ్యాన్స్ ఇది చూసి థ్రిల్ ఫీల్ అయ్యి. ప్రచారంగా ఉపయోగించుకుంటున్నారు.
అయితే గూగుల్ రాహుల్‌ను విన్నర్‌గా ఎందుకు చూపిస్తుందనేగా మీ సందేహం… అయితే ముందస్తు సర్వేల ద్వారా పలు వెబ్‌సైట్స్ టైటిల్ విన్నర్ ఎవరనేది ఊహించి.. ఆర్టికల్స్‌ను ప్రచురించాయి. ఇక ఆ అనధికారిక పోల్స్ అన్నింటిలోనూ రాహుల్ ముందంజలో ఉండటం విశేషం. కాబట్టి గ్రాండ్ ఫినాలే ఆదివారం ప్రసారం కాబోతున్నా.. ఇన్ని వార్తల వల్ల గూగుల్ కాస్త తడబడింది.
ఏది ఏమైనా రాహుల్‌ను గెలిపించడానికి అతని ఫ్యాన్స్ విస్తృతంగా ప్రచారం చేస్తున్నారు. మిగిలిన కంటెస్టెంట్లకు, రాహుల్‌కు మధ్య వ్యత్యాసం ఏంటో వ్యూయర్స్‌కు తెలియజేస్తూ.. ఇన్‌ఫ్లూయెన్స్ చేస్తున్నారని చెప్పాలి. ప్రస్తుతానికి అయితే వరుణ్, రాహుల్, శ్రీముఖిల మధ్య టఫ్ ఫైట్ కొనసాగుతోందని సోషల్ మీడియాలో ప్రచారం జరుగుతోంది. వీరిలో ఎవరు టైటిల్ విన్నర్ అవుతారో వేచి చూడాలి.
ప్రస్తుతం ఓటింగ్ ప్రక్రియ కొనసాగుతోంది. ఇది నేటి అర్ధరాత్రితో ముగియనుంది. ఓటింగ్ పూర్తయిన తర్వాతే షో నిర్వాహకులకు విన్నర్ ఎవరనేది ప్రకటిస్తారు. ఇక ఫైనల్‌ ఎపిసోడ్‌లో మెగాస్టార్ చిరంజీవి ప్రత్యేక అతిధిగా విచ్చేసి విజేతను ప్రకటిస్తారు.
