కింగ్ నాగర్జున హోస్ట్‌గా వ్యవహరిస్తున్న బిగ్‌బాస్ తెలుగు రియాలిటీ షో ముగయడానికి ఇంకో మూడు రోజులు మాత్రమే మిగిలి ఉంది. నవంబర్ 3న జరిగే ఫైనల్‌లో ఎవరు విజేతగా నిలుస్తారనే దానిపై ఉత్కంఠ కొనసాగుతోంది. ఇప్పటికే వరుణ్ సందేశ్, శ్రీముఖి, బాబా భాస్కర్, రాహుల్, అలీ రెజాలు టాప్‌ 5లో ఉన్నారు. బిగ్ బాస్ సక్సెస్ ఫుల్‌గా 102 ఎపిసోడ్‌లను పూర్తి చేసి గురువారం నాటితో 103వ ఎపిసోడ్‌కి ఎంటర్ అయ్యింది. ఈ ఎపిసోడ్ హైలైట్స్ ప్రేక్షకులను ఎంతగానో అకట్టుకుంది.
గురువారం నాటి ఎపిసోడ్‌లో బిగ్ బాస్ ఫైనల్‌కి చేరిన ఐదుగురి కంటెస్టెంట్స్‌కి హౌస్‌లో తమ బ్యూటిఫుల్ జర్నీని వీడియో రూపంలో ప్లే చేసి చూపిస్తున్నారు బిగ్ బాస్. బుధవారం నాటి ఎపిసోడ్‌లో వరుణ్, రాహుల్‌లతో పాటు బాబా భాస్కర్ జర్నీని చూపించి.. ఆయన ఆటపై ప్రశంసల జల్లు కురిపించారు బిగ్ బాస్. ఇక గరువారం ఎపిసోడ్‌లో తన జర్నీని చూసి భావోద్వేగానికి గురయ్యారు బాబా భాస్కర్. అనంతరం ఎమోషనల్‌గా మాట్లాడుతూ కన్నీరు పెట్టుకున్నారు. ‘నేను ఏడుస్తున్నానంటే డ్రామా కాదు.. వేరే ఏం లేదు. నేను 103 రోజులు హౌస్‌లో ఉండటం చాలా ఎక్కువ. మమ్మల్ని చాలా బాగా చూసుకున్నారు. ఆనందం వల్లే నాకు కన్నీళ్లు వస్తున్నాయి.
ఈ ఇంట్లో బాధతో పాటు సంతోషాన్ని కూడా షేర్ చేసుకోవడానికి లేదు. ఏదైనా కెమెరా ముందు మాట్లాడాలన్నా కూడా భయం. ఏదో మాట్లాడుతున్నానని తప్పుగా ఊహించుకుంటారు. గురువుగారూ.. నన్ను బాబా మాస్కర్ అదీ ఇదీ అంటున్నారు.. ఈ షో అయిపోయిన తరువాత ఒకసారి చెన్నైకి రండి. నేనంటే ఏంటో ఎలా ఉంటానో మీరే చూస్తారు’ అంటు మాస్టర్‌ బిగ్ బాస్‌కు చెప్పారు. ఆల్రెడీ నన్ను మాస్క్ మెన్ అంటున్నారు. నన్ను ట్విట్టర్‌లో ఎవరో బాబా మాస్కర్.. గీస్కర్ అంటున్నారు. వాళ్ల పాయింట్ ఆఫ్ వ్యూలో నేను మాస్కర్ కావొచ్చు కాని.. నేను ఎప్పుడూ ఇలాగే ఉంటాను. అంటూ భావోద్వేగానికి గురయ్యారు బాబా బాస్కర్‌. ‘మిమ్మల్ని బాబా మాస్కర్ కాదు.. బాబా భాస్కర్ అనుకున్నారు కాబట్టే ప్రేక్షకులు మిమ్మల్ని ఫైనల్ వరకూ తీసుకువచ్చారు. మీరు ఇలాగే నవ్వుతూ నవ్విస్తూ ఉండండి’ అంటూ బాబాకి ఆల్ ది బెస్ట్ చెప్పి పంపించారు బిగ్ బాస్.
ఇక శ్రీముఖి గురించి చెప్తు.. మీరు ఈ ఇంట్లోకి రాక ముందు ప్రేక్షకులు మిమ్మిల్ని తెరపై మాత్రమే చూసి అభిమానులుగా మారారు. కాని.. ఈ ప్రయాణం మిమ్మల్ని ప్రతి ఇంట్లో అమ్మాయిగా మార్చింది. నవ్వుతూ, ఆడుతూ, పాడుతూ, అల్లరి చేసే ఈ శ్రీముఖిని ప్రేక్షకులు ఇంకా ఎక్కువగా ప్రేమించారు. మీరు బిగ్ బాస్ ఇంట్లో చేసిన అల్లరి మిగతా సభ్యుల్లో ఉత్తేజాన్ని నింపాయి. అవకాశం వచ్చిన ప్రతిసారి ఎలాంటి ప్రక్రియలోనైనా వంద శాతం ఎఫర్ట్ పెట్టారు. కొన్నిసార్లు మీ ఉత్సాహం కారణంగా మిమ్మల్ని టార్గెట్ కూడా చేశారు. ప్రతి ప్రయాణం కొత్త స్నేహితుల్ని పరిచయం చేస్తుంది. ఉన్న స్నేహితుల గురించి పూర్తిగా తెలిసేలా చేస్తుంది. మీ ప్రయాణంలో మీరు నమ్మినదాన్ని తప్పు అనిపిస్తే గట్టిగా వినిపించారు. ఎన్నో ఆటుపోట్ల ప్రయాణం ఆఖరి దశకకు చేరింది. మీరు బాధ్యత కలిగిన వ్యక్తిగా ఎటువంటి ఛాలెంజ్‌లనైనా ఎదుర్కోవడానికి రెడీగా ఉండాలి’ అంటూ బిగ్ బాస్ ఇంటిలో శ్రీముఖి జర్నీని విజువల్‌గా చూపించారు బిగ్ బాస్.
ఈ వీడియో చూసిన అనంతరం భావోద్వేగానికి గురైంది శ్రీముఖి. బిగ్ బాస్ మీకు హ్యాట్సాఫ్.. ఇలాంటి ఫీలింగ్ నాకు లైఫ్‌లో ఎప్పుడూ రాదు. సూపర్ హ్యాపీగా ఉన్నా. నా లైఫ్‌లో ఎంతో కొంత సాధించానని ఈ బిగ్ బాస్ షో వల్ల కలిగింది. ఇది నా లైఫ్‌లోనే బెస్ట్ మూమెంట్. ఐ లవ్ యూ బిగ్ బాస్ అంటూ గట్టిగా అరుస్తూ తన చేతిపై ఉన్న బిగ్ బాస్ పచ్చబొట్టుని ముద్దాడింది శ్రీముఖి. అనంతరం అలీ రెజా జర్నీని చూపించడంతో అతను కూడా భావోద్వేగానికి గురై కన్నీళ్లు పెట్టుకున్నాడు.
