ఈ నెల 13 వ తేదీ నుంచి 17 తేదీ వరకు ఖమ్మం జిల్లా కల్లూరు మండలం నారాయణపురం సహస్రచండీ యాగం నిర్వహిస్తున్నాం అని తెలిపారు మాజీ ఎంపీ పొంగులేటి శ్రీనివాస్ రెడ్డి. శృంగేరి పీఠం అధ్వర్యంలో యాగం నిర్వహిస్తున్నామని వెల్లడించారు.
ఈ యాగ ఫలితం ఖమ్మం జిల్లా ప్రజలకే కాదు యావత్ తెలంగాణ , ఆంధ్ర ప్రదేశ్ ప్రజలు చండీమాత దీవెనలు అందిస్తుందన్నారు. నాలుగు రాష్ట్రాల నుంచి పీఠాధిపతులు సహస్ర చండీ యాగంలో పాల్గొంటారని తెలిపారు. ప్రజలంతా యాగంలో పాలుపంచుకోవాలని చెప్పారు.
ప్రతి రోజు ఉదయం 8 గంటలకు యాగం మొదలవుతుందని 1 గంట నుంచి సాయంత్రం 4 గంటల వరకు విరామ సమయం అన్నారు. తిరిగి సాయంత్రం 4 నుంచి 7:30 గంటల వరకు యాగం కొనసాగుతుందన్నారు. 200 మంది రిత్వికుల చేత యాగం జరుగుతుందని..చండీమాత కృపకోసం ప్రజలు యాగం లో పాల్గొనాలన్నారు. హిమాచల్ ప్రదేశ్ గవర్నర్ దత్తత్రేయ , తెలుగు రాష్ట్రాల ముఖ్యమంత్రులు కేసీఆర్ , జగన్‌ను యాగానికి రావాలని పిలిచామని వెల్లడించారు.
