వేణుమాధవ్ టాలీవుడ్‌లోకి రాకముందు నుంచి తనకు పరిచయం ఉందని తెలిపారు మంత్రి తలసాని శ్రీనివాస్ యాదవ్. వేణు మృతి బాధాకరమని..600కి పైగా సినిమాల్లో నటించి అందరిని మెప్పించాడని చెప్పారు. ఎప్పుడూ అందరిని నవ్విస్తూ ఉండేవాడు…భగవంతుడు ఆ కుటుంబానికి ధైర్యం ప్రసాదించాలి కోరుకున్నారు. వేణుమాధవ్ మెడికల్ బిల్లు కూడా పే చేశామని…ఫైన్షియల్ ఫార్ములాటిస్ అన్ని తాను చూసుకుంటానని చెప్పారు తలసాని.
పలువురు సినీ,రాజకీయ రంగాలకు చెందిన ప్రముఖులు వేణు మాధవ్ మృతిపట్ల సంతాపం తెలిపారు.వేణుమాధవ్ కుటుంబ సభ్యులకు ప్రగాఢ సానుభూతి తెలిపారు సీఎం కేసీఆర్.తన నటనతో అనేక మంది అభిమానులను సంపాదించుకున్నారు. ఆయన ఆత్మకు శాంతి కలగాలని సీఎం కేసీఆర్ ఆ భగవంతుడిని ప్రార్థించారు.
వేణుమాధవ్ అకాల మరణం పట్ల ప్రగాఢ సంతాపం తెలియజేశారు మాజీ సీఎం చంద్రబాబు. సినీ కళాకారుడిగా, హాస్యనటుడిగా వేణుమాధవ్ చెరగని ముద్ర వేశారని తన మిమిక్రీ ప్రదర్శన ద్వారా ఆకట్టుకున్నారని చెప్పారు.
