ఇస్మార్ట్ సత్తిగా మారిన బిత్తిరి సత్తి

బిత్తిరి సత్తి ఇటివలే వీ6 ఛానల్ కు రాజీనామా చేసిన సంగతి తెలిసిందే. ఆయనకు ఎంతో పేరు ప్రతిష్టలు తీసుకువచ్చిన తీన్మార్ న్యూస్ వదిలి ఇటివలే ప్రముఖ తెలుగు న్యూస్ ఛానల్ టీవి9 చేరారు. అయితే ఇన్ని రోజులు బిత్తిరి సత్తిగా మనకు కనిపించగా..ఇకపై ఇస్మార్ట్ సత్తిగా కనిపించనున్నాడు.

ఇందుకు సంబంధించిన ప్రోమోను కూడా విడుదల చేశారు. ఇందులో సత్తి గెటప్ పూర్తిగా మార్చేశాడు. ఇస్మార్ట్ సత్తి అంటూ ఓ పాట పాడుతూ ప్రోమోను విడుదల చేశారు. ఇస్మార్ట్ న్యూస్ అంటూ ప్రొగ్రామ్ కు పేరు పెట్టారు. ఇస్మార్ట్ వార్తలు ఎప్పటి నుంచి ప్రసారంకానున్నాయో అనే విషయం మాత్రం ఇంకా ప్రకటించలేదు. బిత్తిరి సత్తిగా ప్రజల మన్ననలు పొందిన రవి మరి ఇస్మార్ట్ సత్తిగా ఏ మేరకు ఆకట్టుకుంటాడో చూడాలి.