పవన్ కళ్యాణ్ బంగారం మూవీలో మీరా చోప్రా హీరోయిన్ గా నటించిన విషయం తెలిసిందే. అయితే చాలా రోజుల తర్వాత ఇప్పుడు మీరా ఒక్కసారిగా సోషల్ మీడియాలో వైరల్ గా మారారు. మీరా తాజాగా బ్రేక్ ఫాస్ట్ కోసం ఓ స్టార్ హోటల్ కు వెళ్లారు. అక్కడ ఫుడ్ ఆర్డర్ చేయగా ఆ ఫుడ్ లో పురుగులు వచ్చాయి. దీంతో మీరాకు ఒక్కసారిగా కోపం వచ్చి హోటల్ యాజమాన్యంపై సీరియస్ అయ్యింది.
అంతటితో ఆగకుండా ఆ టీఫిన్ లో ఉన్న పురుగులను వీడియో తీసీ సోషల్ మీడియాలో పోస్ట్ చేసింది. తాను అహ్మదాబాద్‌లోని ‘డబుల్‌ ట్రీ’ అనే స్టార్ హోటల్‌కు వెళ్లి… ఫుడ్ ఆర్డర్ చేశా.. అందులో తెల్లటి పురుగులు కనిపించాయి. భారీగా డబ్బు తీసుకుని నాకు ఇలాంటి పురుగులున్న ఫుడ్ పెట్టారని… ఇది చూసి షాక్‌కు గురయ్యానని ఆవేదన వ్యక్తం చేసింది. దీనిపై అధికారులు స్పందించి వెంటనే సదరు హోటల్‌పై చర్యలు తీసుకోవాల్సిందిగా.. తన వీడియోలో పేర్కొంది మీరా చోప్రా.
