ఏపీ మాజీ స్పీకర్ కోడెల శివప్రసాదరావు తీవ్ర అస్వస్థతకు గురయ్యారు. శుక్రవారం రాత్రి ఆయన నివాసంలో ఆకస్మాత్తుగా గుండెపోటుతో కుప్పకూలడంతో కుటుంబ సభ్యులు వెంటనే ఆస్పత్రికి తరలించారు. ప్రస్తుతం ఆయన ఆరోగ్య పరిస్థితి నిలకడగా ఉందని సమాచారం.
కోడెలకు గుండెపోటు వార్తతో ఆయన అనుచరులు,టీడీపీ శ్రేణులు పెద్ద ఎత్తున ఆస్పత్రికి చేరుకుంటున్నారు. కోడెల ఆరోగ్య పరిస్థితిపై ఆరా తీస్తున్నారు. కొద్ది రోజులుగా కోడెల కుటుంబంపై ఆరోపణలు వస్తున్న నేపథ్యంలో ఆయన తీవ్ర మనస్తాపానికి గురైనట్లు కుటుంబసభ్యులు చెబుతున్నారు.
గత ఎన్నికల్లో సత్తెనపల్లి నుంచి పోటీచేసిన ఆయన వైసీపీ నేత అంబటి రాంబాబు చేతిలో ఓటమిపాలయ్యారు. అప్పటినుంచి ఆయన కష్టాలు మొదలయ్యాయి. కుమారుడితో పాటూ కుమార్తెపై కేసులు నమోదయ్యాయి. ఈ చిక్కుల నుంచి బయటపడక ముందే అసెంబ్లీ ఫర్నీచర్ వివాదంతో పాటు ల్యాప్‌టాప్‌లు, కంప్యూటర్లు మాయం చేశాడని ఆరోపణలు వచ్చాయి.
