ఎంపీ సంతోష్ కుమార్ గ్రీన్ ఛాలెంజ్‌….

తెలంగాణకు హరితహారంలో భాగంగా టీఆర్ఎస్ రాజ్యసభ సభ్యులు ఎంపీ సంతోష్ కుమార్‌ గ్రీన్ ఛాలెంజ్‌ ఉద్యమాన్ని తీసుకువచ్చిన సంగతి తెలిసిందే. ఈ నేపథ్యంలో సంతోష్ విసిరిన సవాల్‌ని స్వీకరించారు బెల్లంపల్లి ఎమ్మెల్యే దుర్గం చెన్నయ్య. బెల్లంపల్లి టౌన్‌లో కృషి విజ్ఞాన కేంద్రంలో 2,000 మొక్కలను నాటారు. ఈ సందర్భంగా ప్రతి ఒక్కరు మొక్కలు నాటాలని పిలుపునిచ్చారు ఎమ్మెల్యే చెన్నయ్య.

కేటీఆర్ బర్త్ డే సందర్భంగా గిఫ్ట్ ఏ స్మైల్ కాన్సెప్ట్‌లో భాగంగా కీసరగుట్ట రిజర్వ్‌ ఫారెస్ట్‌లోని 2042 ఎకరాల అటవీ ప్రాంతాన్ని సంతోష్ కుమార్ దత్తత తీసుకున్నారు. తన ఎంపి నిధులతో ఈ అడవిని ఆయన అభివృద్ధి చేయనున్నారు. అడవుల అభివృద్ధి, అర్బన్ లంగ్ స్పేస్ ల అభివృద్ధిలో పాలు పంచుకోవాలని ఆయన పిలుపునిచ్చారు.