వరుస ప్లాపుల్ని తన ఖాతాలో వేసుకున్న డైరెక్టర్ మెహర్ రమేష్ కు ప్రిన్స్ మహేశ్ అవకాశం ఇచ్చినట్లు వార్తలు వినిస్తున్నాయి. మెహర్ రమేష్ అతడి ఖాతాలో చెప్పుకోదగ్గ సినిమా ఏదైనా ఉందంటే అది ఒక్క బిల్లా మూవీనే. ఆ మూవీ మినహా ఈ దర్శకుడు తీసిన సినిమాలన్నీ అట్టర్ ప్లాపులే. అలాంటి డైరెక్టర్‌పైన మహేశ్ నమ్మకముంచాడట. కొద్ది నెలల క్రితమే మహేశ్‌కు మెహర్ రమేశ్ కథ వినిపించినట్లు టీటౌన్ టాక్.
ఆ కథ మహేశ్‌కు అద్భుతంగా నచ్చిందట.అందులో భాగంగానే ఇటీవల ప్రిన్స్ మెహర్ దర్శకత్వంలో ఓ రియల్ ఎస్టేట్‌కు సంబంధించిన ఆ యాడ్ చేశాడు. ఆ యాడ్ బాగా వచ్చిందని మహేశ్ మెహర్ రమేష్ ను మెచ్చుకున్నాడట కూడా. సినిమా విషయంలో మాత్రం మహేష్ ఎటూ తేల్చుకోలేకపోతున్నాడని టాక్. దీంతో మహేష్ ను ఎలాగైనా ఒప్పించాలని మెహర్ రమేశ్ కథకు ఇంకా మెరుగుగుతు దిద్దుతున్నాడట.
అంతేకాదు ఎలాగైన ప్లాప్ దర్శకుడిగా పడ్డ ముద్రను పూర్తిగా తొలగించుకోవాలని గట్టి నిర్ణయంతో ఉన్నాడట మెహర్ రమేష్. మహేష్ లాంటి హీరోతో సినిమా తీసి హిట్ కొడితే.. తనపై పడ్డ ముద్ర పూర్తిగా తొలగిపోతుందని ఆయన గట్టిన నమ్ముతున్నాడు. మరీ, మహేష్ బాబు మెహర్ రమేష్ కు గ్రీన్ సిగ్నల్ ఇస్తాడా? లేదా? చూడాలి.
