ఆర్‌ఎక్స్ 100 ఫేమ్ కార్తికేయ హీరోగా తెరకెక్కుతున్న చిత్రం `గుణ 369` . ప్ర‌వీణ కడియాల స‌మ‌ర్పణలో స్ప్రింట్‌ ఫిలిమ్స్‌, జ్ఞాపిక ఎంటర్‌టైన్‌మెంట్స్, ఎస్‌జీ మూవీ మేక‌ర్స్ నిర్మిస్తున్నాయి. అర్జున్‌ జంధ్యాలకు దర్శకత్వంలో తెరకెక్కగా అనిల్‌ కడియాల, తిరుమల్‌ రెడ్డి నిర్మాతలు.
ఈ చిత్రంకి సంబంధించి ఇటీవ‌ల టీజర్ విడుద‌ల కాగా ఇందులో స‌న్నివేశాలు సినిమాపై ఆస‌క్తిని పెంచుతున్నాయి. తాజాగా చిత్ర రిలీజ్ డేట్ ప్ర‌క‌టించారు. ఆగ‌స్ట్ 2న గుణ 369 చిత్రాన్ని విడుద‌ల చేయ‌బోతున్న‌ట్టు ప్ర‌క‌టించారు.
చింత‌న్ భ‌ర‌ద్వాజ్ చిత్రానికి సంగీతం అందిస్తున్నారు. రామ్ రెడ్డి సినిమాటోగ్రాఫ‌ర్‌గా పని చేస్తున్నారు. ర‌స్టిక్ ల‌వ్ స్టోరీగా ఉండ‌నున్న ఈ చిత్రం ప్రేక్ష‌కుల‌ని త‌ప్ప‌క అల‌రిస్తుంద‌ని చెబుతున్నారు. కార్తికేయ స‌ర‌స‌న అన‌గ క‌థానాయిక‌గా న‌టించగా టీజర్‌తోనే భారీ అంచనాలు పెరిగిపోగా సినిమాతో ఎలాంటి మ్యాజిక్ రిపీట్ చేస్తాడో వేచిచూడాలి.
