ఈమధ్య సినిమా ఇండస్ట్రీలో బయోపిక్ ల హవా నడుస్తోంది. పలువురు ప్రముఖుల జీవిత చరిత్ర ఆధారంగా సినిమాలు తీస్తూ సక్సెస్ అందుకుంటున్నారు దర్శకులు. తాజాగా ఇండియా మహిళా క్రికెటర్ మిధాలి రాజ్ బయోపిక్ తెరకెక్కుతున్న సంగతి తెలిసిందే. అయితే మిధాలి రాజ్ పాత్రలో ఎవరిని తీసుకోవాలన్న దానిపై గత కొద్ది రోజులుగా ఆలోచిస్తున్నారు చిత్రయూనిట్. తాజాగా తాప్సి పేరు తెరపైకి వచ్చింది.
ఇటివలే తాప్సిని కలిన చిత్రయూనిట్ మిధాలి పాత్రలో నటించమని అడిగారట. ఇందుకు ఆమె గ్రీన్ సిగ్నల్ ఇచ్చినట్లు తెలుస్తుంది. తాప్సి వైవిధ్యమైన కథలు ఎంచుకుంటూ హిట్లు కొడుతుంది. కేవలం గ్లామర్ పాత్రలే కాకుండా డిఫరెంట్ పాత్రలలో నటించడానికి ఆసక్తి చూపిస్తోంది.
తాప్సి ప్రస్తుతం తెలుగు, తమిళ్ , హిందీ భాషల్లో నటిస్తూ బిజీగా ఉంది. మిధాలి రాజ్ ఇండియా మహిళా క్రికెట్ కెప్టెన్ గా వ్యవహరిస్తున్న సంగతి తెలిసిందే. ఈసినిమాను వయకామ్ 18అనే సంస్ధ నిర్మిస్తుంది. త్వరలోనే ఈమూవీకి సంబంధించిన అన్ని విషయాలను ప్రకటించనున్నట్లు తెలిపింది.
