నగరంలో మూడు కోట్ల మొక్కలు నాటేందుకు ప్రణాళిక..

హైదరాబాద్‌లో హరితహారంలో భాగంగా రాజేంద్రనగర్, కొంగరకలాన్‌లలో నర్సరీలను కమిషనర్ దాన కిషోర్‌తో పాటు అడిషనల్ కమిషనర్ ఆమ్రపాలి కాటా, కృష్ణ పరిశీలించారు. ఇందులో భాగంగా జిహెచ్ఎంసి కమిషనర్ దాన కిషోర్ మొక్కల పెంపకం అలాగే నర్సరీలను తనిఖీ చేశారు.

ఈ సందర్భంగా కమిషనర్ దాన కిషోర్ మాట్లాడుతూ.. హరిత హారంలో గ్రేటర్ హైదరాబాద్‌లో మూడు కోట్ల మొక్కలు నాటే విధంగా భారీ ప్రణాళిక రూపొందించాం. ప్రస్తుతం కోటి మొక్కలు అందుబాటులో ఉన్నాయి.మరో కోటిన్నర మొక్కలను ప్రైవేట్ నర్సరీలు సేకరించేందుకు టెండర్లను పిలిచాం. ఈ వారంలో టెండర్ల ఖరారు చేస్తాం. అనంతరం మరో పది రోజుల్లో కోటిన్నర మొక్కలు జిహెచ్ఎంసికి అందుతాయని జిహెచ్ఎంసి కమిషనర్ దాన కిషోర్ అన్నారు.