విలక్షణమైన పాత్రలు ఎంచుకుంటూ దూసుకుపోతున్నారు రానా . బాహుబలి, ఘాజి, నేనే రాజు నేనే మంత్రి లాంటి చిత్రాలలో నటించి అభిమానులకు ఎప్పటికి గుర్తుండిపోయే పాత్రలు చేసిన రానా మరో విభిన్నమైన చిత్రానికి గ్రీన్ సిగ్నల్ ఇచ్చారు. నీదీ నాది ఒకే కథ చిత్రాన్ని తెరకెక్కించిన వేణు ఉడుగుల దర్శకత్వంలో ఈ సినిమా తెరకెక్కుతోంది.
పీరియాడిక్ డ్రామాగా తెరకెక్కనున్న ఈ చిత్రానికి విరాటపర్వం 1992 అనే టైటిల్ ఖరారు చేశారు. రానా సరసన ఫిదా, ఎంసీఏ, కణం వంటి సినిమాలతో తెలుగు ప్రేక్షకులకు దగ్గరైన సాయి పల్లవి హీరోయిన్‌గా నటించనుంది. సురేష్ బాబు, సుధాకర్ చెరుకూరి సంయుక్తంగా ఈ చిత్రాన్ని నిర్మిస్తున్నారు. ఈ చిత్రానికి సురేష్ బొబ్బిలి సంగీత దర్శకుడు.
తాజాగా ఈ చిత్రం ఇప్పటికే మొదటి షెడ్యూల్ ను పూర్తి చేసుకుంది. కొన్ని రోజుల క్రితం తెలంగాణలోని ధరిపల్లి అనే గ్రామంలో ప్రారంభమైన ఈ మొదటి షెడ్యూల్ నిన్నటితో పూర్తి అయింది. త్వరలోనే ఈ సినిమా రెండో షెడ్యూల్ కూడా ప్రారంభం కానుంది. కీ రోల్‌లో టబు నటిస్తుండగా హిందీ,తమిళ భాషల్లోనూ విడుదల చేయనున్నారు.
