కృష్ణయ్య హత్యకేసులో 6గురు అరెస్ట్‌

ఖమ్మం జిల్లా తెల్దారుపల్లిలో టీఆర్ఎస్ నేత కృష్ణయ్య హత్యకు సంబంధించి 6గురిని అరెస్ట్ చేసినట్లు పోలీసులు తెలిపారు. అరెస్టయినవారిలో ఏ2 రంజాన్‌, ఏ4 గంజి స్వామి, ఏ5 నూకల లింగయ్య, ఏ6 బోడపట్ల శ్రీను, ఏ7 నాగేశ్వరరావు, ఏ8 ఎల్లంపల్లి నాగయ్య ఉన్నారు. వారివద్ద హత్యకు ఉపయోగించిన కత్తులను స్వాధీనం చేసుకున్నారు.

మొత్తం ఎనిమిది మంది నిందితుల్లో ఆరుగురిని అరెస్టు చేయగా ప్రధాన నిందితులైన తమ్మినేని కోటేశ్వరరావు, జక్కంపూడి కృష్ణ పరారీలో ఉన్నారు. తమ్మినేని కృష్ణయ్య.. సీపీఎం నేత తమ్మినేని వీరభద్రానికి వరుసకి సోదరుడు. ఈ నెల 15న గ్రామ సమీపంలో కృష్ణయ్యను దుండగులు దారుణంగా హతమార్చారు. ఆయన కుమారుడి ఫిర్యాదు మేరకు 8 మందిపై పోలీసులు కేసు నమోదు చేశారు.