హజ్‌ యాత్రలో విషాదం..550 మందికి పైగా మృతి

ముస్లింలు పవిత్రంగా భావించే హజ్ యాత్రలో విషాదం నెలకొంది. ఎండవేడిమికి తట్టుకోలేక ఇప్పటివరకు 550 మందికి పైగా మృతిచెందార‌ని అరబ్ దౌత్యవేత్తలు తెలిపారు. ఈజిప్టు నుండి వచ్చిన 323 మంది హజ్ యాత్రికులు వేడి-సంబంధిత అనారోగ్యాల కారణంగా మరణించారని తెలిపారు.

ఈ సారి హజ్ యాత్రలో దాదాపు 18.3 లక్షల మంది పాల్గొన్నారని, వారిలో 22 దేశాలకు చెందిన 16 లక్షల మంది ఉన్నారని సౌదీ హజ్ నిర్వాహకులు పేర్కొన్నారు.మక్కాలోని అతిపెద్ద శవాగారాల్లో ఒకటైన అల్-ముయిసం వద్ద మొత్తం 550 మృతదేహాలు ఉన్నాయని దౌత్యవేత్తలు తెలిపారు. వేడిమి నుంచి ఉపశమనం కలిగించేందుకు అక్కడి అధికారులు చర్యలు తీసుకుంటున్నా ప్రాణ నష్టం తప్పడం లేదన్నారు.

Also Read:Revanth:రుణమాఫీ డేట్ ఫిక్స్!