రాష్ట్రంలో భారీ వర్షం పడే అవకాశం ఉందని వాతావరణ శాఖ వెల్లడించింది. నాలుగు రోజుల పాటు పలు జిల్లాల్లో వర్షాలు కురిసే అవకాశం ఉందని తెలిపింది. ఆగ్నేయ మధ్యప్రదేశ్‌ నుంచి మరా‌ఠ్వాడ, మధ్య మహా‌రాష్ట్ర, అంత‌ర్గత కర్ణా‌టక మీదుగా కొమో‌రిన్‌ ప్రాంతం వరకు సముద్ర మట్టా‌నికి 0.9 కిలో‌మీ‌టర్ల ఎత్తు వరకు ఉత్తర-ద‌క్షిణ ద్రోణి కొన‌సా‌గు‌తు‌న్నదని పేర్కొ‌న్నది. దీని ప్రభా‌వంతో ఈ నెల 8 వరకు వర్షాలు కురిసే అవకాశం ఉందని వెల్లడించింది.
ఇవాళ నిర్మల్‌, జగిత్యాల, కరీంనగర్, భద్రాద్రి కొత్తగూడెం, ఖమ్మం, నల్లగొండ, సూర్యాపేట, జన‌గామ, యాదాద్రి, వికారాబాద్, సంగారెడ్డి, మహబూబ్నగర్, వనపర్తి, నారాయణపేట జిల్లాల్లో అక్కడక్కడ భారీ వర్షాలు కురిసే అవకాశం ఉందని తెలిపింది.
మంగళవారం నిర్మల్‌, జగిత్యాల, కరీంనగర్, భద్రాద్రి కొత్తగూడెం, ఖమ్మం, నల్లగొండ, సూర్యాపేట, జనగాం, యాదాద్రి భువనగిరి, వికారాబాద్, సంగారెడ్డి, మహబూబ్నగర్, వనపర్తి, నారాయణపేట జిల్లాల్లో అక్కడక్కడ భారీ వర్షాలు కురిసే అవకాశం ఉందని చెప్పింది.
