అక్టోబర్ నెలలో ఓటీటీలో పలు సినిమాలు రిలీజ్కు సిద్ధంగా ఉన్నాయి. సినిమా, థియేటర్లలో రిలీజ్ అయ్యే సినిమాలు, ఓటీటీలను ఓసారి పరిశీలిస్తే.. సింధు భైరవి అనే కొత్త షార్ట్ ఫిల్మ్ నవంబర్ 2, 2025న ETV Winలో కథా సుధా సిరీస్లో విడుదలైంది. ఇందులో కృష్ణ చైతన్య, ఐయంగార్ మృదుల తదితరులు నటించారు. సాయి తేజా దర్శకత్వం వహించగా, కె. రాఘవేంద్రరావు బి.ఏ. నిర్మాతగా, కథ, స్క్రీన్ప్లే, దర్శకత్వ పర్యవేక్షణ బాధ్యతలు నిర్వహించారు.
థియేట్రికల్ విడుదలకు ముందే వివాదాస్పదంగా మారిన తమిళ చిత్రం బ్యాడ్ గర్ల్ (సెప్టెంబర్ 26, 2025న విడుదలైనది) ఇప్పుడు OTTలోకి వస్తోంది. అంజలి శివరామన్ ప్రధాన పాత్రలో నటించిన ఈ సినిమాకు వర్షా భారత్ దర్శకత్వం వహించారు. ఈ చిత్రం జియో హాట్స్టార్లో నవంబర్ 4, 2025 నుండి స్ట్రీమింగ్ కానుంది. ఆసక్తికరంగా, ఇది తెలుగు, హిందీ, మలయాళం, కన్నడ భాషల్లో కూడా అందుబాటులో ఉంటుంది. ప్రేక్షకుల స్పందన ఎలా ఉంటుందో చూడాలి.
ది ఫాంటాస్టిక్ ఫోర్ – ఫస్ట్ స్టెప్స్ (The Fantastic Four: First Steps). మార్వెల్ సూపర్హీరో చిత్రం ది ఫాంటాస్టిక్ ఫోర్: ఫస్ట్ స్టెప్స్ నవంబర్ 5, 2025న జియో హాట్స్టార్లో విడుదల కానుంది. ఈ చిత్రం తెలుగు వెర్షన్లో కూడా అందుబాటులోకి వస్తుంది, తద్వారా ప్రాంతీయ ప్రేక్షకులను ఆకట్టుకోనుంది.
నటుడు రాజ్ తరుణ్ ప్రధాన పాత్రలో నటించిన వెబ్ సినిమా చిరంజీవ నవంబర్ 7, 2025న ఆహాలో గ్రాండ్ ప్రీమియర్ పొందబోతోంది. అభినయ కృష్ణ దర్శకత్వం వహించిన ఈ చిత్రంలో కుశిత కల్లాపు హీరోయిన్గా నటించింది. ట్రైలర్ ఇప్పటికే మంచి స్పందన సాధించింది. తేజ సజ్జా హీరోగా, కార్తిక్ గట్టమనేని దర్శకత్వంలో తెరకెక్కిన మిరాయ్ థియేటర్లలో భారీ విజయాన్ని సాధించింది. మొదట హిందీ వెర్షన్ లేకుండా విడుదలైన ఈ చిత్రం ఇప్పుడు నవంబర్ 7, 2025న జియో హాట్స్టార్లో హిందీ డబ్బింగ్తో విడుదల కానుంది.
సుభాష్ కపూర్ సృష్టించిన, హూమా ఖురేషీ ప్రధాన పాత్రలో నటించిన మహారాణి సిరీస్ కొత్త సీజన్ నవంబర్ 7, 2025న Sony LIVలో స్ట్రీమింగ్ కానుంది. విపిన్ శర్మ, అమిత్ సియాల్, వినీత్ కుమార్, శర్దుల్ భారద్వాజ్, కని కుసృతి తదితరులు నటించారు. తెలుగు వెర్షన్ కూడా సమాంతరంగా విడుదలయ్యే అవకాశం ఉంది.
Also Read:Modi:మూడో అతిపెద్ద స్టార్టప్…భారత్
ఆర్టికల్ 370 ఫేమ్ దర్శకుడు ఆదిత్య సుహాస్ జంభలే దర్శకత్వంలో రూపొందిన సూపర్న్యాచురల్ థ్రిల్లర్ బారాముల్లా నవంబర్ 7, 2025న Netflixలో విడుదల కానుంది.
కవిన్, ప్రీతి అస్రాణి నటించిన తమిళ రొమాంటిక్ డ్రామా కిస్, థియేటర్లలో పెద్దగా రాణించలేకపోయినా, ఇప్పుడు OTTలో రెండవ అవకాశాన్ని పొందుతోంది. నవంబర్ 7, 2025న ZEE5లో స్ట్రీమింగ్ కానుంది. సిద్ధు జొన్నలగడ్డ, రాశీఖన్నా, శ్రీనిధి శెట్టి నటించిన తెలుగు రొమాంటిక్ డ్రామా తెలుసు కదా నవంబర్ 7, 2025న Netflixలో మల్టీలాంగ్వేజ్ వెర్షన్లలో విడుదల కానుంది.