గ్రాఫిక్ మాయాజాలం ..రజనీ 2.0 టీజర్

తమిళసూపర్‌స్టార్ రజనీకాంత్, దిగ్గజ దర్శకుడు శంకర్ కాంబినేషన్‌లో తెరకెక్కుతున్న చిత్రం 2.0 . సినిమా ఎప్పుడెప్పుడు విడుదలవుతుందా అని అంతా ఆసక్తిగా ఎదురుచూస్తున్నారు. ఈ నేపథ్యంలో ఫ్యాన్స్‌కు కాసింత ఊరట కలిగేలా వినాయకచవితి సందర్భంగా సినిమా టీజర్‌ని విడుదల చేసింది చిత్రయూనిట్.

గ్రాఫిక్ మాయాజాలంతో తెరకెక్కిన సినిమా టీజర్ అందరిని ఆకట్టుకుంటోంది. టీజర్‌లో శంకర్‌ మార్క్‌ స్పష్టంగా చూపించాడు. ఒక్కసారిగా ఫోన్లన్నీ మాయమైపోవడం,అక్షయ్ కుమార్ ఎంట్రీ అదిరిపోయింది. చంద్రముఖి సినిమాలో ‘లకలక’ అంటూ ఆకట్టుకున్న రజినీ… ఈ సినిమాలో ‘కుక్కురు’ అంటూ తనదైనశైలిలో పలుకుతూ కేక పుట్టించారు.

లైకా ప్రొడక్షన్స్ నిర్మిస్తున్న ఈ సినిమాలో రజనీ సరసన అమీ జాక్సన్ హీరోయిన్‌గా నటిస్తోంది. దాదాపు రూ. 400 కోట్లకుపైగా బడ్జెట్‌తో తెరకెక్కగా… ఆస్కార్ అవార్డు గ్రహీత ఏఆర్‌రెహమాన్ మ్యూజిక్ అందిస్తున్నాడు. ఈ టీజర్‌పై మీరు ఓ లుక్కేయండి